Uly Otan soǵysynda qaza tapqan jaýynger Jumabek Nurkenovtiń súıegi 6 mamyr kúni týǵan aýyly Tereńkólge jerlendi. J.Nurkenov 1902 jyly dúnıege kelgen. 1943 jyldyń 2 qańtarynda maıdanda qaza tapqan. Al, byltyr Reseıdiń Kırov qalasynyń «Front» atty izdestirý otrıady Staraıa Rýssa qalasy mańynda 1942 jyly Soltústik-Batys maıdany urysy ótken jerden Jumabaı Bektursynovtyń múrdesin tapqan bolatyn. Jaýyngerdiń múrdesi týǵan jeri Qashyr aýdany Lýgovoe aýylyna ákelinip, qaıta jerlegen edi.
Uly Otan soǵysynda qaza tapqan jaýynger Jumabek Nurkenovtiń súıegi 6 mamyr kúni týǵan aýyly Tereńkólge jerlendi. J.Nurkenov 1902 jyly dúnıege kelgen. 1943 jyldyń 2 qańtarynda maıdanda qaza tapqan. Al, byltyr Reseıdiń Kırov qalasynyń «Front» atty izdestirý otrıady Staraıa Rýssa qalasy mańynda 1942 jyly Soltústik-Batys maıdany urysy ótken jerden Jumabaı Bektursynovtyń múrdesin tapqan bolatyn. Jaýyngerdiń múrdesi týǵan jeri Qashyr aýdany Lýgovoe aýylyna ákelinip, qaıta jerlegen edi.
Sol kezde biz gazetimizde «Boıtumary týǵan jerinen topyraq buıyrtty» dep jazdyq. Endi, mine, taǵy bir jaýyngerdiń boıtumary óziniń múrdesiniń týǵan jerine jetýine sebepker boldy. Bıyl qańtar aıynda Reseıdiń Novgorod oblysy Borovıchı qalasynyń «Zvezda» izdestirý otrıady jerlesimiz, Qashyr aýdanynda týǵan jaýynger Jumabek Nurkenovtiń múrdesin tapqandaryn habarlaıdy. Sol jerdegi «Zvezda» izdeý jasaǵy marqumnyń aty-jóni jazylǵan boıtumaryn taýyp, qazaqstandyq «Maıdan joly» jasaǵyna habar beredi. Sol jerdegi Soltústik-Batys maıdanynyń áıgili «Demıanskıı qorǵanysy» urysynda Jumabek Nurkenov qaza taýypty. Soǵys zardabyn tartqan barlyq qazaq otbasylary sııaqty Nurkenovter otbasyndaǵy tórt birdeı er-azamat 41-shi jyly soǵysqa attanypty. Úsheýi elge aman-esen oralady. Al Jumabek habarsyz ketedi. Jalpy, soǵysqa Pavlodar oblysynan 46 myń adam attanypty. Keıin habar-osharsyz ketken 300-den asa jaýyngerdiń múrdeleri týǵan jerge jetkizildi. Sóıtip, Jelezın aýdany Úrlitóbe shekara beketinde reseılikter qazaqstandyq «Maıdan» tobynyń múshelerine jaýyngerdiń múrdesi salynǵan konteınerdi tapsyrdy. Ol Novgorod qalasy túbindegi Safronovka selosynan jetkizildi. Mamyr aıynda aýdan ortalyǵy Tereńkólde aýyl halqy, soǵys jáne eńbek ardagerleri, týys-týǵandary jınalǵan qaraly mıtıng ótti. Sharaǵa oblys, aýdan basshylyǵy qatysty. Soǵys dalasynda qaza tapqandardyń rýhyna bas ıip, taǵzym etti.
–Aǵamyz soǵysqa attanǵanda bizder bala edik. Oralmady. Degenmen, qashanda bir habar keletindeı birtúrli bolyp júretinbiz, jaratylystyń jazǵany bolar, úmit aldamaıdy eken,– degen edi byltyr bizge Jumabaı Bekturǵanovtyń týysy Saǵynaı apa.
–Jumabek aǵam jastaıynan óte zerek bolypty. Kelgen adamnyń til-kózi ótpesin dep úıge bir adam kelse, as úıge jatqyzylady eken,–deıdi jaýyngerdiń nemere qaryndasy Gúlzıra Nurkına. Al Omby oblysynan “Edınaıa Rossııa” partııasynyń ókili, «Molodaıa gvardııa» jastar uıymynyń basshysy Sıýzanna Egııannyń aıtýynsha, bul eki el úshin mańyzdy is-shara. О́ıtkeni, surapyl soǵys jyldary keńes soldattary bir el úshin, bir halyq úshin, bir úı úshin kúresti.
Soǵysta habarsyz ketken ákesin, aǵa-baýyryn ǵumyr boıy izdegen aramyzda qanshama jandary jaraly taǵdyrlar júr. Qos jaýynger Jumabaı Bekturǵanov, Jumabek Nurkenovtiń múrdeleri tabylǵany, elge jetkizilgeni jaıly bul habar úmitterin úzbegen basqa da taǵdyrlarǵa úmit otyn jaǵar.
Farıda BYQAI,
«Egemen Qazaqstan».
Pavlodar oblysy,
Qashyr aýdany.
