AQSh stýdentteri – Aqtaýda

Atalǵan mektepte taǵy bir ja­ńalyq oryn aldy. AQSh-ta­ǵy Massachýsets tehnolo­gııa­lyq ýnı­­versıtetiniń (MIT) stý­dentteri Oktavıo Vega men Varsha Sandadı Aqtaý qalasyndaǵy Nazarbaev zııatkerlik mektebinde taǵylymdamadan ótti. Úsh ap­taǵa sozylǵan tájirıbe b­ary­synda stýdentter mektep mu­ǵa­limderimen birge komandalyq sa­baqtar berip, mekteptegi BUU mo­deli jumysyn uıym­dastyrýǵa oqýshylarǵa kómek qolyn sozdy, joǵary synyp oqýshylaryna mamandyq tańdaý boıynsha keńes berdi.

Oktavıo men Varsha – AQSh-taǵy jetekshi ýnıversıtettiń 2-kýrs stýdentteri. Olar fı­zı­ka, elektronıka jáne kompıýter ǵylymdaryn meńgeredi. AQSh stýdentteri Qazaqstanǵa  oqýshylardyń jaratylystaný-matematıka baǵytyndaǵy bili­min keńeıtý, teorııalyq bilimdi tájirıbede qoldanýǵa baýlý, synı oılaý qabiletin damytý men mádenıettaný baǵytyndaǵy bilimin arttyrýǵa baǵyttalǵan MISTI Kazakhstan «Global Teaching Labs» jobasy aıasynda kelgen.

Mekteppen etene jaqyn tanysý úshin taǵylymdamadan ótýshi jastar mektepishilik sharalar men kezdesýlerge belsendi qatysty. Sonymen qatar ózde­riniń MIT joǵary oqý ornyna túsý oqıǵasyn baıandap, túrli keńester berdi.

– NIS oqýshylary óte eń­bekqor jáne órshil, ártúrli akademııalyq jáne mektepishilik emes baǵdarlamalarǵa, pánderge qyzyǵýshylyqtary joǵary. Bárinen de tańǵaldyrǵany – BUU modeli uıymynyń úlkendigi, atqaryp jatqan jumystarynyń aýqymdylyǵy. Sonymen qatar oqýshylardyń ózin ózi basqarý uıymynyń óz jumystaryn uıym­dastyrýy, túrli sharalar­dy josparlaýy tánti etti, – deı­di Oktavıo Vega.

Qazaq mádenıeti men ádet-ǵur­pymen tanystyrý maqsatynda mektep qonaqtary jergilikti otbasyna qonystandyryldy.

Mańǵystaý oblysy