Qytaıda ótken aptada týrıster avtobýsyn men júk kóligi soǵysyp qaldy. Osy kórinis artynsha beınejazba arqyly ǵalamtorǵa shyqty. Bul týraly «Eýronıýs» telearnasy habarlady.
Beınematerıaldy kólikte ornatylǵan birneshe baqylaý kameralary túsirip alǵan. Avtobýs júrgizýshisi jol boıynda qajetti burylystan ótip ketken soń, toqtap, artqa sheginbek bolǵan. Sol kezde týrıster toly avtobýsqa qatty jyldamdyqpen kele jatqan júk mashınasy soǵylǵan.
Avtobýs aýdarylyp qalǵan. Soqqynyń qattylyǵy sonshalyqty júrgizýshi terezeden syrtqa ushyp ketken. Syrtqa qulasa da júrgizýshi tiri, jolaýshylar da din aman. Alaıda júk kóliginiń júrgizýshisi jol apatynda kóz jumdy.
Murat Aıtqoja.
