Taılandtaǵy «AMATA» kompanııasynyń basshysy ári quryltaıshysy bolyp tabylatyn mýltımıllıoner, belgili kásipker Vıkrom Kromadıttiń qarjylyq demeýimen alys jolǵa shyqqan avtokerýenniń Qazaqstanda atbasyn tiregen alǵashqy beketi Petropavl qalasy boldy. 17 naýryzdan óz saparyn uıymdastyrǵan taılar buǵan deıin Bırma, Koreıa, Qytaı, Reseı elderin basyp ótip, Omby arqyly jetken. Odan ári elimizdiń birqatar qalalaryn aralamaq.
Taılandtaǵy «AMATA» kompanııasynyń basshysy ári quryltaıshysy bolyp tabylatyn mýltımıllıoner, belgili kásipker Vıkrom Kromadıttiń qarjylyq demeýimen alys jolǵa shyqqan avtokerýenniń Qazaqstanda atbasyn tiregen alǵashqy beketi Petropavl qalasy boldy. 17 naýryzdan óz saparyn uıymdastyrǵan taılar buǵan deıin Bırma, Koreıa, Qytaı, Reseı elderin basyp ótip, Omby arqyly jetken. Odan ári elimizdiń birqatar qalalaryn aralamaq.Delegasııa músheleriniń qurmetine S.Muqanov atyndaǵy ámbebap kitaphanada iskerlik kezdesý uıymdastyrylyp, onda sóz alǵan oblys ákiminiń orynbasary Qaırat Bekenov Prezıdent N.Á.Nazarbaev el ekonomıkasyna qyzyǵýshylyq tanytqan sheteldik ınvestorlar úshin qolaıly múmkindik týdyrý, eksport qýatyn arttyrý mindetterin qoıǵanyn, rynok kókjıegin keńeıtýge, EXPO-2017 kórmesine ázirlikti kúsheıtýge, «jasyl» ekonomıkany damytýǵa aıryqsha kóńil bólip otyrǵanyn, osy oraıda týrızm, shaǵyn jáne orta bıznes salalaryna ınvestısııalyq qarjylaı qoldaý nıetin kózdegen Taıland meımandaryna jan-jaqty qoldaý kórsetiletinin jetkizdi. Kompanııanyń qor basqarýshysy Panchana hanym qazaq eliniń qonaqjaılylyǵyna, ásem tabıǵatyna degen rızashylyq sezimin bildire kelip, sapar maqsatyn túsindirdi. Onyń aıtýyna qaraǵanda, kompanııa Taılandta jáne Vetnamda úsh iri ındýstrııalyq park ıelenetin kórinedi. Olardyń quramyna 1 myńdaı kásiporyn toptastyrylyp, 150 myńnan astam adam turaqty jumysqa tartylǵan.
Taılyqtardyń osy jumys saparyna birden-bir dáneker bola bilgen «ExpoArisCo.Ltd» fırmasynyń dırektory Roman Arystanovtyń da aıtary az bolmady. Ol Qazaqstan men Taıland arasyndaǵy ekonomıkalyq baılanystyń 20 jyldan beri turaqty órkendep kele jatqanyn aıta kelip, eki eldiń ındýstrııalyq-ınnovasııalyq zor áleýetterin, osy salada qalyptasqan jaqsy úrdisterin odan ári ilgeriletýdegi iskerlik qarym-qatynastyń mańyzyn atap ótti.
О́mir ESQALI,
«Egemen Qazaqstan».
Soltústik Qazaqstan oblysy.
