Semınar-keńestiń negizgi maqsaty – óńirimizdegi ortalyq jəne jergilikti organdardyń normatıvtik quqyqtyq aktilerine sybaılas jemqorlyqqa qarsy saraptama júrgizý isin qaıta qalpyna keltirý.
Semınarǵa Departament basshysynyń birinshi orynbasary S. Qanybekov, arnaıy monıtorıng tobynyń músheleri, Mańǵystaý oblysynyń advokattar alqasynyń zańgerleri, joǵarǵy oqý oryndarynyń oqytýshylary men joǵary kýrs stýdentteri, qoǵam ókilderi, zańgerler qatysty.
Semınar barysynda Qazaqstandaǵy parlamentarızmdi damytý Qorynyń prezıdenti, Respýblıkalyq Arnaıy monıtorıngtik tobynyń múshesi Zəýresh Battalova normatıvtik quqyqtyq akti jobalaryna sybaılas jemqorlyqqa qarsy saraptama júrgizýdiń mańyzdylyǵyna keńinen toqtalyp, ashyq dıalogtyq suhbat qurdy.
Tyńdaýshylarǵa saraptama jasaýdyń negizgi qaǵıdalary men júıesin, tehnıkasy men maqsatyn, saraptama ótkizýdiń merzimderi men sybaılas jemqorlyqqa qarsy saraptama qorytyndysynyń qurylymyn, mazmuny men aqparattyń ashyqtyǵyna jáne qoljetimdiligine qatysty qundy aqparattar berildi.
Sondaı-aq, Qazaqstandaǵy parlamentarızmdi damytý qorynyń erkin Zańnama ınstıtýtynyń ǵylymı jetekshisi, respýblıkalyq Arnaıy monıtorıngtik top múshesi, zań ǵylymdarynyń kandıdaty, advokat Mereke Ǵabdýalıev sybaılas jemqorlyqqa qarsy saraptama júrgizý prosesine keńinen toqtalyp ótti.
Uıymdastyrýshylardyń aıtýynsha, bul mehanızm zańnamalyq jáne normatıvtik quqyqtyq aktilerdi ázirleý satysynda yqtımal sybaılas jemqorlyq táýekelderin anyqtaýǵa jáne joıýǵa múmkindik beredi.
Shara sońynda qatysýshylarǵa taqyrypty keńinen túsindirý maqsatynda praktıkalyq jattyǵýlar uıymdastyrylyp, barlyq qatysýshylarǵa sertıfıkattar tabystaldy.
