Saýdany damytýdyń 2021-2025 jyldarǵa arnalǵan memlekettik baǵdarlamasy ázirlendi

Qazaqstan • 18 Aqpan, 2020

Alys eldi mekenderge gazet-jýrnaldar dronmen jetkizilip jatyr

53 ret kórsetildi

Saýdany damytýdyń 2021-2025 jyldarǵa arnalǵan memlekettik baǵdarlamasy tujyrymdamasynyń jobasy ázirlendi, ol jol kartasynyń sharalaryn jáne saýda jáne ıntegrasııa mınıstrligi usynǵan sharalardy kózdeıdi. Bul týraly Premer-Mınıstrdiń baspasóz qyzmeti habarlady.

Egemen Qazaqstan

Bul Qazaqstanǵa ekonomıkalyq ósýdiń joǵary áleýetin usyna otyryp jáne qazaqstandyq taýarlardy ótkizý geografııasyn keńeıte otyryp, eldegi elektrondyq kommersııany damytýǵa qosymsha serpin beredi.

«Qazposhta» AQ basqarma tóraǵasy Sáken Sársenov óz baıandamasynda Qazaqstan Respýblıkasynda elektrondyq saýdany damytýdyń 2019-2025 jyldarǵa arnalǵan Jol kartasy sheńberinde Qoǵam eki tarmaq boıynsha, ıaǵnı 11-tarmaq «Eksport mektebi» bazasynda «Kásipkerlik sýbektilerine shetel ınternet-alańdarynda qazaqstandyq taýarlardy eksporttaýdyń negizgi daǵdylaryn oqytý» jáne 24-tarmaǵy boıynsha «Qajettilikterdi eskere otyryp, qosymsha E-commerce ortalyqtaryn ashý» negizgi oryndaýshy, sondaı-aq 9-tarmaqty birlesip oryndaýshy ekenin jetkizdi.

Jol kartasynyń barlyq is-sharalary belgilengen merzimderde oryndalýda.

Elektrondyq saýdany damytý jáne Jol kartasyn iske asyrý boıynsha qabyldanyp jatqan sharalar týraly baıandaǵan S. Sársenov qazirgi tańda Qazposhta 3 857 bólimsheden turatynyn, sonyń ishinde 520-sy franchaızıng modeli sheńberinde ekenin aıtty. Jeli turǵyndardyń 100%-yn qamtıdy.

Qoǵam poshta ınfraqurylymyn belsendi damytýda.

О́tken jyly avtomattandyrylǵan irikteý jelisi 18 mıllıonnan astam poshta jóneltimin óńdedi. Alys eldi mekenderge gazetter men jýrnaldardy drondarmen jetkizý jalǵasýda.

Qoljetimdilikti damytý maqsatynda kompanııa sálemdemeler sýpermarketi jelisin damytýda. Qazposhtanyń qazir elimiz boıynsha 248 sálemdemeler sýpermarketi men 351 poshtamaty jumys isteıdi.

Bıyl elimiz boıynsha 2 kún ishinde 85% poshta jóneltimin jetkizý múmkin boldy. Bul poshta ınfraqurylymyn damytý boıynsha qabyldanyp jatqan sharalardyń nátıjesi.

Elektrondyq kommersııa ortalyqtary jumystaryn jalǵastyrýda. Osy ortalyqtarda Shaǵyn jáne orta bıznes ókilderin ınternet-dúkenderdi jasaýǵa, taýarlardy satýǵa úıretedi. Búgingi tańda E-kom ortalyqtary Nur-Sultan, Almaty, Qaraǵandy jáne Shymkent qalalarynda ashylǵan. 2019 jyly osy ortalyqtarda 2 400-den astam bıznes ókilderi oqýdan ótti. Eksport mektebi sheńberinde 2 myńnan astam shaǵyn jáne orta bıznes ókilderi oqyttyldy.

2019 jyly Nur-Sultan, Almaty jáne Aqtóbe qalalarynda fýlfılment ortalyqtary ashyldy. Munda ınternet-dúkenderdiń ıelerine taýarlardy qabyldaý, óńdeý, saqtaý, qadaǵalaý jáne túpki tutynýshyǵa deıin jetkizý sııaqty qyzmetter kórsetiledi. Sonymen birge, ınternet-dúkender logıstıka, qoımany jalǵa alý, personalǵa jumsalatyn shyǵyndar jáne basqa da shyǵyndaryn únemdeıdi. Sondaı-aq sálemdemelerdi jetkizý merzimi aıtarlyqtaı qysqarady. 2019 jyldyń qorytyndysy boıynsha aınalymdaǵy taýarlar kólemi 8 mılıonnan asty, salystyrmaly túrde 2018 jyly 1,2 mln boldy.

«Jalpy, biz 2025 jylǵa qaraı Qazaqstannyń barlyq oblys ortalyqtaryn fýlfılmentpen qamtamasyz etýdi josparlaımyz. Osylaısha, 2020 jyly Nur-Sultan, Almaty, Shymkent, Saryaǵash qalalarynda 4 ortalyq ashý kózdelýde», — dedi S. Sársenov.

Kúnniń mańyzdy jáne ózekti jańalyqtaryn «Egemen Qazaqstan» telegram kanalynan oqyńyz