Qazaqstan • 20 Aqpan, 2020

Sarbaz qarý-jaraqpen qashyp ketti

110 ret kórsetildi

Túrkistan oblysy Badam eldi mekenindegi 10216 áskerı bólimde ákerı boryshyn ótep júrgen sarbaz qoımadan 30 avtomat, 27 tapanshany urlap, belgisiz jaqqa qashyp ketken. Mundaı aqparat búgin tańerteń «WhatsApp» júıesi arqyly taratylýda. Muny messendjer júıesine kimniń salǵany belgisiz. Biraq onyń rastyǵy kúmán týǵyzbaıtyn sııaqty. 

Atalǵan júıede jarııalanǵan qujatqa qaraǵanda, 19 aqpanda túngi saǵat 11-lerdiń shamasynda 10216 áskerı bólimniń kishi serjant, kezekshiniń kómekshisi A. Balǵynbaı kezekshi aǵa leıtenattyń demalyp jatqanyn paıdalanyp, onyń qaltasynan qarý-jaraq saqtaıtyn bólmeniń kiltin alǵan. Osydan keıin ol dabyl qondyrǵysyn óshirip, bólmeden 30 dana Kalashnıkov avtomatyn, 27 dana Makarov tapanshasyn jáne atalǵan qarýlarǵa arnalǵan oqtardy alǵan. Kiltti qaıtadan kezekshiniń qaltasyna salyp qoıǵan ol qarý-jaraqtardy alyp belgisiz baǵytqa ketip qalǵan. Bul týraly bólimdegilerge búgin tańerteńgi saǵat 7-de belgili bolǵan.


Qazirgi ýaqytta atalǵan áskerı bólimde osyǵan qatysty tekserý amaldary júrip jatyr. Kýágerlerdiń aıtýynsha, Shymkent pen Badam arasyndaǵy joldy polıseıler men áskerıler kúzetýge kóshken. Tipti keıbireýler shuǵyl-izdestirý sharalaryna tikushaqtyń da qatystyrylyp jatqanyn aıtýda.


Tús qaıta Qorǵanys mınıstrligi osyǵan qatysty resmı aqparat taratty. Onda kishi serjant Balǵynbaıdyń kezekshilik aýysymy kezinde óz betinshe áskerı bólimdi tastap ketkeni, osydan keıin bólimde qarý-jaraqtyń jetispeıtindigi belgili bolǵany kórsetilgen. Aqparatta sondaı-aq, kúshtik qurylymdar men áskerı polısııanyń qajetti shuǵyl-izdestirý jáne qaýipsizdik sharalaryn júrgizip jatqany jazylǵan.

Sońǵy jańalyqtar

Qaı salada jalaqy ósti?

Ekonomıka • Keshe

Reseı azamattary alǵys aıtty

Aımaqtar • 26 Aqpan, 2021

Jambyl Jabaevtyń 175 jyldyq mereıtoıy bastaldy

Fotogalereıa • 26 Aqpan, 2021

Fýtzal: Belarýske qarsy oınaımyz

Sport • 26 Aqpan, 2021

Uqsas jańalyqtar