Taǵaıyndaý • 20 Aqpan, 2020

Qazaqstandyq birikken aralas jekpe-jek federasııasyna jańa basshy saılandy

53 ret kórsetildi

Búgin Mádenıet jáne sport mınıstrliginde «Qazaqstandyq birikken aralas jekpe-jek federasııasy» Respýblıkalyq qoǵamdyq birlestiginiń kezekten tys eseptik saılaý otyrysy ótti.

Kezdesýge Mádenıet jáne sport mınıstri Raıymqulova Aqtoty, Qazaqstannyń Jaýyngerlik О́ner Assosıasııasy Prezıdenti Ánýar Sadyqulov, «Qazaqstandyq birikken aralas jekpe-jek federasııasy»  Prezıdenti Esenov Ǵalymjan, «QazMunaıGaz» UK AQ Basqarma tóraǵasy Alık Aıdarbaev jáne quryltaı keńesiniń músheleri qatysty. 

Federasııanyń bas dırektory Valıhan Ten uıymnyń ótken jylǵy jumysyn qorytyndylady. Kún tártibiniń basty máselesi - «Qazaqstandyq birikken aralas jekpe-jek federasııasy» Prezıdentin saılaý boldy.  Atalǵan qyzmetke «QazMunaıGaz» UK AQ Basqarma tóraǵasy Alık Aıdarbaev usynyldy. Jańa Prezıdentti saılamas buryn jınalǵandar aralas jekpe-jektiń elimizdegi áleýeti týraly aıtyp ótti.

Mádenıet jáne sport mınıstri Raıymqulova Aqtoty elimizde aralas jekpe-jektiń qarqyndy damyp kele jatqanyn atap ótti.

«Olımpıadalyq emes sport túrleri damyp jatqan kezde sporttyq federasııalardyń jumysyn birizdendirý mańyzdy. Búgingi tańda elimizde buqaralyq sport túrleri jaqsy damyp keledi. Bul baǵytta aralas jekpe-jek federasııalarynyń basyn biriktirip ony basqaryp otyrǵan Ǵalymjan Shahmardanulynyń jumysyn atap ótý kerek,»-dedi Aqtoty Rahmetollaqyzy.

О́z kezeginde, Qazaqstannyń Jaýyngerlik О́ner Assosıasııasy Prezıdenti Ánýar Tóleýhanuly elimizdiń halyqaralyq sporttyq ımıdjin qalyptastyrýdaǵy aralas jekpe-jektiń mańyzdylyǵyn atap ótti. 

«Bir jylda Qazaqstandyq birikken aralas jekpe-jek federasııasy úlken jumys atqardy. Osy oraıda Ǵalymjan Shahmardanuly basqarǵan Federasııa elimizdiń halyqaralyq arenadaǵy ımıdjin biraz kóterip tastady. Elimizdiń sportshylary halyqaralyq dárejede tanyla bastady. Qazaqstannyń Jaýyngerlik О́ner Assosıasııasy atynan Qazaqstandyq birikken aralas jekpe-jek federasııasynyń burynǵy basshylyǵyna alǵys bildirip, jańasyna tek sáttilik tileımin.»,-dedi Ánýar Tóleýhanuly.

О́z kezeginde Qazaqstandyq birikken aralas jekpe-jek federasııasy bas dırektory Valıhan Ten uıymnyń ótken jylǵy jumysyn qorytyndylap, jańa jylǵa josparlary týraly aıtty.  

Aıta keteıik, kún tártibinde Qazaqstandyq birikken aralas jekpe-jek federasııasynyń jańa basshysyn saılaý máselesi turǵan bolatyn. Atalǵan qyzmetke «QazMunaıGaz» UK AQ Basqarma tóraǵasy Alık Aıdarbaev saılandy.

Sońǵy jańalyqtar

Tergeýshilerdiń ustazy ulyqtaldy

Aımaqtar • Búgin, 19:35

Reseı ınvestorlary Atyraýǵa bet burdy

Aımaqtar • Búgin, 16:56

Erteń Úkimet otyrysy ótedi

Úkimet • Búgin, 15:17

Qýatty qurylymnyń shýaqty merekesi

Qazaqstan • Búgin, 14:15

Naýryz aıynda aýa raıy qandaı bolady?

Aýa raıy • Búgin, 13:30

Uqsas jańalyqtar