Shara barysynda Ýnıversıtet qabyrǵasynda qyzmet etip turǵan «Adaldyq dúkeni», «Sanaly urpaq» jobalyq keńsesi, Eriktilerdiń «Qoǵamǵa qyzmet etý» ortalyǵy, monıtorıng ortalyǵynyńjumysy tanystyryldy.
Monıtorıng ortalyǵynyń ereksheligi - ýnıversıtettiń ishki jáne syrtqy qyzmetin tolyqtaı baqylaýǵa alatyn, árbir azamattyń, stýdenttiń shuǵyl jeli arqyly joldanǵan habarlamalaryna tez arada áreket etýi.
Osydan keıin, stýdent jastar Tóraǵa orynbasary O.A.Bektenovpen jáne Mańǵystaý oblysy ákiminiń orynbasary Q.B. Jumashevpen erkin suhbat júrgizdi.
Jastarmen kezdesýde sóz alǵan Oljas Abaıuly qazirgi Qazaqstannyń jetken jetistikteri men el táýelsizdigin alǵaly atqarǵan jumystaryna toqtalyp, stýdentter tarapynan qoıylǵan suraqtarǵa keń kólemde túsinik berdi.
Mańǵystaý oblysy ákiminiń orynbasary Qanybek Bekbolatuly árbir azamattyń pikiri, eli úshin atqarǵan isiniń mańyzdylyǵyn aıta kele, qoǵam ókilderimen birge sybaılas jemqorlyqqa qarsy mádenıetti qalyptastyrý kerektigin atap ótse, QR Sybaılas jemqorlyqqa qarsy is-qımyl agenttiginiń Mańǵystaý oblysy boıynsha departamenti basshysynyń birinshi orynbasary Serik Qanybekov te izgilik bastamasy bolyp esepteletin volonterlik qozǵalys týraly óz oıyn ortaǵa salyp, stýdent jastardy belsendi bolýǵa shaqyryp, adaldyq jolynda, parasatty qyzmet jasaýǵa shaqyrdy.
