Brıtanııa Ispanııany sotqa bermek
London adamnyń erkin júrip turý quqynyń burmalanǵanyna narazy bolsa, Madrıd balyqshylar men kontrabandaǵa tosqaýyl qoıylǵanyna narazylyq bildirýde.
Brıtanııa Ispanııany sotqa bermek
London adamnyń erkin júrip turý quqynyń burmalanǵanyna narazy bolsa, Madrıd balyqshylar men kontrabandaǵa tosqaýyl qoıylǵanyna narazylyq bildirýde.
Ulybrıtanııa úkimeti Pıreneı túbeginiń shetindegi óziniń aýmaǵy sanalatyn Gıbraltardy qorǵap qalý úshin Eýropa sotyna talap-aryz bermek nıette. Al London men Madrıd 1713 jyldan beri sozylyp kele jatqan daýdy sheshpek bolyp jatqanda, adamdar Gıbraltar shekarasynda kedendik tekserýdi kútip, 6-7 saǵat boıy turýǵa májbúr. Aıta ketý kerek, daý-janjal 24 shildede jergilikti bıliktiń jasandy rıf salý úshin Gıbraltar jaǵalaýyndaǵy teńizge 70 beton bloktar tastaýynan keıin týyndaǵan bolatyn.
Súńgýir kemedegi jarylys
Mýmbaı portynda turǵan, Reseıde shyǵarylǵan súńgýir qaıyqtyń bortynda jarylys bolyp, onyń sońy órtke ulasty. Keıbir adamdar sýǵa sekirip, qutylýǵa májbúr bolǵan.
Sýbmarınanyń sýǵa batyp ketkeni, tek azǵantaı ǵana bóliginiń sý betinde kórinip turǵany málim bolyp otyr. Onyń ishinde shamamen 18 adam bar bolýy múmkin kórinedi. Jaraqat alǵan birneshe adam aýrýhanalarǵa jetkizilgen. Qazirgi ýaqytta bılik súńgýir qaıyqtyń ishinde qamalyp qalǵan adamdardyń qaýipsizdigin qamtamasyz etý úshin barlyq kúsh-jigerlerin jumsaýda. Sonymen birge, apattyń oryn alý sebebi de anyqtalýda.
Aýǵanstanda áıel depýtat urlandy
Aýǵanstannyń ortalyq provınsııasy Gaznıde talıbter depýtat Farıba Ahmadı Kakardy úsh qyzymen birge urlap áketken. Sońynan NATO kúshteri men aýǵan barlaýshylarynyń arnaıy operasııasy barysynda balalar bosatylǵanymen, olardyń anasy áli kúnge talıbter qolynda qalýda.
Jergilikti polısııanyń málimetteri boıynsha, talıbter F.Kakarǵa aıyrbas retinde ózderiniń túrmedegi 4 áriptesterin bosatýdy talap etken. Sarapshylardyń paıymdaýynsha, Aýǵanstannan 2014 jyly NATO áskerleriniń shyǵarylýy osy eldegi áıelder jaǵdaıyn barynsha kúrdelendirip jiberýi múmkin. О́tken aptada aýǵan parlamentiniń múshesi Rýh Gúl men onyń kúıeýine shabýyl jasalǵan bolatyn.
Prezıdent sot sheshimimen kelisti
Italııa prezıdenti Djordjo Napolıtano Sılvıo Berlýskonıdi tabystaryn jasyrǵany úshin kináli dep tapqan sot sheshiminiń kúshin joıýdan bas tartty.
Italııa prezıdenti eldiń burynǵy premer-mınıstriniń kináli ekenin moıyndaı otyryp, barynsha bir shekteýli jaǵdaılarda oǵan raqymshylyq jasalýy múmkin ekenin de atap kórsetken. Sonymen birge, Napolıtano úkimetti aýystyrý jóninde qoqan-loqqy jasaǵan Berlýskonı partııasyna zań buljytpaı oryndalýǵa tıis ekenin de eskertip otyr. Italııada Berlýskonı partııasynyń bılik koalısııasynan shyǵýy el úshin ekonomıkalyq apatqa aınalýy múmkin dep qaýiptenedi.
Sırııa daǵdarysy qalaı sheshiledi?
Sırııalyq ásker de, olarǵa qarsy turǵan ereýilshiler de eldiń búkil aýmaǵynda baqylaý ornatýǵa qabiletti emes, sondyqtan olar daǵdarysty saıası túrde sheshýge kelisýge tıis. AQSh memlekettik departamentiniń ókili Merı Harf osyndaı málimdeme jasaǵan.
Búkil Sırııa aýmaǵyna olardyń eshqaısysy da baqylaý ornata almaıdy, dep atap kórsetken ol Vashıngtonda ótken brıfıngte. Men oryn alǵan ahýaldy tuıyqqa tirelý dep sanamaımyn, sonymen birge, bizder saıası sheshim tabýǵa tıispiz. Sondaı-aq, M.Harf Máskeýdiń Sırııa úkimetine qoldaý jasaýyna baılanysty Vashıngtonnyń óz alańdaýshylyǵyn Reseıge talaı ret habarlaǵanyn da aıtyp bergen.
Alpys jasóspirim túrmeden qashty
Brazılııanyń San-Paýlý qalasyndaǵy túrmede oryn alǵan iri kóterilis saldarynan 60-qa jýyq jasóspirim túrmeden qashyp ketken.
Jergilikti polısııa 17 qashqynnyń ustalǵany týraly habarlap otyr. Jasóspirimder mamyqtardy órtep, túzeý mekemesiniń dırektoryn kepildikke alǵan. Basynda jaraqaty bar dırektor aýrýhanaǵa jetkizilgen kórinedi. Sonymen birge, túrmeniń 20-ǵa jýyq qyzmetkerleriniń zardap shekkeni de belgili bolypty.
Kaırdegi qaqtyǵystar tyıylar emes
Egıpet qaýipsizdik kúshteri men taǵynan qulatylǵan ıslamıstik prezıdent Mýhammed Mýrsıdiń jaqtastary arasyndaǵy qaqtyǵystan Kaırde kem degende 30 adam qaza tapqan.
Kelip jetken habarlarǵa qaraǵanda, Egıpet qaýipsizdik kúshteri Mýrsıdiń jaqtastary uıymdastyrǵan ereýildi qýyp taratý operasııasyn bastaǵan. Onyń barysynda ishki qaýipsizdik kúshteri kózden jas aǵyzatyn gaz qoldanyp, tikushaqtar men arnaıy tehnıkany iske qosqan. Egıpettiń jańa bıligi Mýrsıdiń jaqtastary eldegi saıası ahýaldy turaqsyzdandyryp, memleket qaýipsizdigine qater tóndirip otyr dep esepteıdi. Osy oraıda Mýrsıdiń qazirgi ýaqytta qamaýda otyrǵanyn, oǵan daǵdarysty retteý talpynysy sátsizdikke ushyrady degen aıyp taǵylǵanyn da aıta ketý qajet.
Germanııa men AQSh ózara tyńshylyqqa tyıym salmaq
Germanııa men AQSh ózara tyńshylyqqa tyıym salatyn kelisimshart jasasý baǵytynda jumys júrgizýde. Bul týraly Germanııa kansleri vedomstvosynyń ókili habarlaǵan.
Ol Býndestagtyń elektrondy tyńshylyq tóńiregindegi daý-janjaldy tergeý jónindegi komıtetiniń múshelerine Germanııa federaldyq barlaý qyzmeti delegasııasynyń amerıkalyq áriptesterimen kezdeskenin aıtyp bergen. Belgili bolǵan málimetterge qaraǵanda, shpıondyqqa qarsy kelisimshart boıynsha konsýltasııalar júrgizýge Vashıngtonnyń ózi bastamashy bolǵan kórinedi.
Internet materıaldary negizinde ázirlendi.
