Chjan Venhong bul boljanǵannan áldeqaıda az ekenin aıtady. Onyń aıtýynsha, koronavırýstyń tym tereńdep ketpeýine saqtyq sharalary yqpal etken. Qala bıligi aýrý juqtyrǵan adamdarǵa ǵana emes, aýrý juqtyrýy múmkin dep tabylǵandardy da eki aı baqylaýda ustaǵan. Olardyń kópshilik jınalǵan oryndaryna barýǵa tyıym salǵan. Sol sebepti osy aýrý túrine baılanysty bolǵan ólim deńgeıi bir paıyzdan az.
«Shanhaı COVID-19-ben kúreste baǵa jetpes tájirıbe jınady, sonyń negizinde epıdemııanyń ǵalamdyq taralýyn alty aı boıy baqylaýǵa múmkindik týdy» dedi Chjan Ven Hong.
Onyń aıtýynsha, birinshi kezekte - koronavırýs aýrýlary tirkelgen aımaqtardan qalaǵa kelgenderdiń barlyǵyna 14 kúndik úıge mindetti karantın engizý. Muny Qytaıdan tysqary elderde de jalpyǵa birdeı mindetteý kerek. Sebebi derttiń bul túri aýamen taraıdy. Sondyqtan jekelegen elderdiń ǵana saqtyq sharalaryn qoldanǵanynyń áseri az.
«Ekinshisi - halyq kóp jınalatyn jerlerdi dereý jabý. Budan keıin epıdemııaǵa ushyraǵan qalalarda aýrýlary tek COVID-19 belgilerin anyqtaýǵa baǵyttalǵan aýrýhanalar ashylýy kerek» dedi Chjan Ven Hong.
Onyń aıtýynsha, mundaı aldyn alý sharalary jańa ınfeksııalardyń sanyn bes aı ishinde nólge deıin túsirýi múmkin. Al bir-eki aıda vırýs kózi dep tabylǵan qala turǵyndarynyń ómiri qalypty jaǵdaıǵa túsedi» dep sózin túıindepti Chjan Ven Hong.
Qytaılyq sarapshynyń usynysyn qaperge alyp júrý kerektigin alys-jaqyn memleketterdiń basshylary da aıtyp jatyr.
