«Otandastar» oqý zaly ashyldy

Mańyzdy sharanyń maq­saty jaıly tanystyrǵan «Otan­dastar qory» KeAQ vıse-pre­zı­denti Maǵaýııa Sarbasov, qor qurylǵan sát­ten bastap, shet­tegi qandas­tarymyzdyń rýhanı jáne qu­qyqtyq qajettiligin óteý jolynda irgeli ister at­qaryp, birshama jetistikke jet­kenin jetkizdi. Iаǵnı, qordyń mu­ryndyq bolýymen 2500 danadan astam kórkem ádebı, ta­nymdyq kitaptar shekaradan tys jerde ornalasqan qazaq má­denı ortalyqtaryna joldansa, búgingi ashylyp otyrǵan «Otandastar» oqý zaly syrtta júrgen qazaq dıasporasynyń shyǵar­mashylyq qýatyn tanytatyn qundy týyndylardyń basyn qosyp otyr eken.

Atalǵan zaldyń tórinde túr­kııalyq qalamger Halıfa Altaıdyń kitaptarynan bas­tap, shyńjańdyq tanymal jazýshylar Jaqsylyq Sá­mıtuly, Serik Qapshyqbaı, Nyǵ­met Myńjanı, Shámis Qumar, sonymen qatar moń­ǵolııalyq sóz zergerleri Shy­naı Rahmetuly, Káp Qumar­uly, Egeýhan Muha­mádıqyzy qatarly qalam ıe­leriniń qarymdy dúnıeleri tur­ǵanyn ańǵardyq. Tipti mundaı baıandy tirlikke tilektestik tanytyp, Túr­kııada turatyn Hasen О́raltaı aǵa­myzdyń bala­lary ákesiniń ár tilde, ár jyldary jaryq kór­gen tolyq shyǵarmasyn ji­beripti. Sondaı-aq, Beı­jińdegi «Ult­tar baspasy­nan» shyq­qan Shyńjań qazaq­­tary jaı­ly tur­mys­tyq-etno­grafııalyq basy­lym­­dar da sóreden oryn alypty.

Uıymdastyrýshylardyń aıtýyna qaraǵanda, bul bas­tamasy ǵana, aldaǵy kún­deri kitap qatary kóbeıe tús­­pek. Sol sııaq­ty osynda or­nalasqan  ádebıetter ult­tyq elektrondy kitaphana jo­basy aıasynda tehnıkalyq platforma boıynsha tolyq sıfrlanǵanyn aıta ketken artyq bolmas.

Al tusaýy kesilgen tyń týyndy «Qazaq álemi» jaıly aıtar bolsaq, bul elektrondy kitapqa álemniń ár túkpirinde ómir súrip, qyzmet atqaryp júrgen 50 qazaq azamatyna qatysty jazba toptastyrylypty. Kóbi olardyń is tájirıbesi men oıly paıymdarynan qurylǵan suhbat-esseler kórinedi. Bulardyń deni ǵylym-bilim, bıznes salasynda, qalǵany óner ıeleri men sportshylar eken.

«Álemdik ekonomıka, halyqaralyq qarjy, ja­handyq bıznes, ǵylym-bilim, máde­nıet pen óner salasynda ózin­­dik órnegimen ortasy­nan ozyp, elge tanylyp, qazaq­tyń atyn shyǵaryp júrgen otan­dastarmyzdyń tájirıbesi kópke ónege, bo­lashaqqa úlgi bolýy tıis. So­­nymen qatar syrttaǵy qandastarymyz arasynan shyq­qan daryn ıelerin biz tarıhı otanyna tartý ar­qyly el eń­sesin tikteýge sep­tigimiz tıse, maqsatymyzdyń oryn­dalaǵany» dedi Maǵaýııa Qanapııauly.

Jıyn barysynda, keleli is­ke rızashylyq tanytyp, pikir bil­dirgen  kórnekti memleket jáne qoǵam qaıratkeri Myr­zataı Joldasbekov ózi­niń tyń týyndylary «Uly dala ádebıeti» hám «Qorqyt ata kitaby» bastatqan bir top murasyn «Otandastar» za­lyna syıǵa tartsa, tanymal jazýshy, Memlekettik syılyqtyń laýraety Álibek Asqar, Ulttyq kitaphana basshysy Úmithan Muńalbaeva qatarly zııaly qa­ýym ókil­deri óz pikirlerin ortaǵa saldy.

Mártebeli basqosýdyń sá­nin keltirgen taǵy bir oqıǵa –  atajurtyna oralǵan qyl­qalam sheberleriniń kórmesi. Atap aıtqanda, Aman­­jol Mýsalınov, Serik­jan Ys­qaqbekuly, Baqyt­bek Zer­de, Tolqyn Tabys­bek, Ja­lyn Baýyrhan, Qaırat Jaıyr­bekuly qatarly sýret­shi­ler­diń qolynan shyq­qan túr­li stıldegi jumystar kóz qýan­typ, kóńil sergitti.