Megapolıs qutqarýshylary azamattyq qorǵanys kúni aıasynda turǵyndarǵa avarııalyq-qutqarý tehnıkalary, órt-tehnıkalyq qurylǵylary men órt sóndirý jabdyqtaryn kórsetti. Eriktiler toby alǵashqy medısınalyq kómek kórsetý boıynsha sheberlik saǵatyn ótkizdi. Oqýshylar arnaıy trenajer-sımýlıatordaǵy jer silkinisi kezinde naqty ıtermeleýdi sezinip, qutqarýshylardyń eń joǵary órt kótergishimen 90 metrge deıin bıiktikke kóterildi.
«Bul is-sharany biz jyl saıyn úzbeı ótkizip kelemiz. Sonyń ishinde oqýshylar, Almatynyń turǵyndary da osy jerge kelip, bárin óz kózderimen kórip, tótenshe jaǵdaı bolǵan kezde ne isteý kerektigin úırenedi», – deıdi qalalyq Tótenshe jaǵdaılar departamenti qutqarý qyzmeti dırektorynyń orynbasary Erjan Qańlybaev.
