Almaty álemniń damyǵan 100 qalasyna qataryna qosylýy kerek. Baqytjan Saǵyntaev alda osyndaı mańyzdy mindettiń turǵanyn aıtty. Osy maqsatta qalada kreatıvti ındýstrııany damytý baǵdarlamasy daıyndalyp jatyr. Qaýymdastyq músheleri barlyq aýdandarda kreatıvti ındýstrııany damytý úshin ınfraqurylym jasaý, bilim berý baǵdarlamalaryn jetildirý, shıkizat bazasyn arttyrý máselelerin kóterdi. Sondaı-aq, daryndy balalar men jastar, sonyń ishinde kópbalaly jáne az qamtylǵan otbasylar úshin arnaıy kýrstar uıymdastyrylmaq.
«Búginde Almatyda kásiporyndardyń jalpy sanynan kreatıvti ındýstrııalar úlesi 6,3% -dy quraıdy. Kreatıvti ekonomıka qalanyń ósýi men ál-aýqatynyń negizgi draıverleriniń biri bolady dep josparlanyp otyr. Alǵa qoıǵan mindetke jetý jolynda Almatynyń áleýeti jetedi. Bul turǵyda barshańyzdy birlesip eńbek etýge shaqyramyn», – dedi Baqytjan Saǵyntaev.
