Qazir Qostanaıda «Bıznestiń jol kartasy-2020» memlekettik baǵdarlamasy boıynsha nesıe alýshylar sany artty. Osy baǵdarlamanyń durystyǵyna kásipkerlerdiń, bıznes aýylyna endi kelip, óz baǵyn synap kórip otyrǵandardyń kózi ábden jetken. Jalqaýlyq jelkesinen tartpaǵan adamǵa jumys kóp. Ásirese, istiń yńǵaıyn bilip, kózin tabatyn jandarǵa qoltyqtan demep jiberetin qarjy bolsa, is dóńnen tómen syrǵyǵan dońǵalaqtaı júrip ketedi.
Qazir Qostanaıda «Bıznestiń jol kartasy-2020» memlekettik baǵdarlamasy boıynsha nesıe alýshylar sany artty. Osy baǵdarlamanyń durystyǵyna kásipkerlerdiń, bıznes aýylyna endi kelip, óz baǵyn synap kórip otyrǵandardyń kózi ábden jetken. Jalqaýlyq jelkesinen tartpaǵan adamǵa jumys kóp. Ásirese, istiń yńǵaıyn bilip, kózin tabatyn jandarǵa qoltyqtan demep jiberetin qarjy bolsa, is dóńnen tómen syrǵyǵan dońǵalaqtaı júrip ketedi.
«Arýana» jaýapkershiligi shekteýli seriktestigin uıymdastyrǵan jigitter bıdaıdan un tartýdy maqsat etken bolatyn. Kásiporyn dırektory Saılaýbek Álishevke bul ońaı shaǵyla salatyn jańǵaq emestigi beseneden belgili edi. Sebebi, un sapaly shyǵý úshin burynǵydaı emes, zamanaýı tehnıkasy, tehnologııasy bar dıirmen qajet. Burnaǵyraqta Qostanaıda qadam basqan saıyn shaǵyn dıirmender kóbeıgen edi. Olardyń barlyǵy da qolǵa túsken bıdaıdy dıirmenge jýmaı salady. Odan shyqqan unnan pisirilgen nan saqtaýǵa kelmeı, eki kúnde arasy jıdip ketetin de, sanıtarlyq dárigerlerdiń shýy basylmaıtyn. Endi «Arýana» kásiporny shyǵarǵan unnyń sapasy munyń barlyǵyna tosqaýyl qoıdy. Saılaýbek Álishevtiń dıirmeninde áý basta 35 adam jumys isteıtin. Ol «Bıznestiń jol kartasy-2020» baǵdarlamasy boıynsha alǵan 200 mıllıon teńge nesıege sapaly un shyǵaratyn sheteldik zamanaýı tehnıka alǵan soń, kásiporynnyń qýaty artty da, qazir 70 adamǵa jumys berip otyr. Qazir dıirmen táýligine 300 tonna un tartady.
– «As atasy – nan» deıdi ǵoı. Un ishki naryqta jaqsy ótedi. Sonymen qatar Tájikstanǵa, О́zbekstanǵa, Qyrǵyzstanǵa un artamyz. Bizdiń unnyń sapasy ónimniń qaı naryqta da ótimdiligin qamtamasyz etedi. «Bıznestiń jol kartasy-2020» baǵdarlamasynyń arqasynda kásibimiz jaqsy júrip ketti. Endi bıdaı saqtaıtyn elevator qurylysy da osy baǵdarlama boıynsha bólingen qarjyǵa júrgizilýde, – deıdi «Arýana» jaýapkershiligi shekteýli seriktestiginiń dırektory Saılaýbek Álishev.
Qazir Qostanaıda Saılaýbek sııaqty osy baǵdarlamaǵa súıenetinder sany kúrt artqan. 2010 jyly biz sóz etip otyrǵan baǵdarlama boıynsha qarjy ıgerilmeı qalǵan bolatyn. Ol kezde kásipkerler ony túsinip, estip úlgere almaǵandaı edi. Endi kóptegen kásipkerler óz isiniń alǵa jyljýyna naq osy baǵdarlama qarjysy muryndyq bolatynyna senimdi. Qarjy suraǵandardyń tym kóptigine baılanysty kásipkerliktiń keıbir baǵyttary boıynsha ótinishter qabyldaý toqtatyldy.
Búginde óz isin ashqysy keletinder kóp. «Bıznestiń jol kartasy-2020» baǵdarlamasy arqyly kásipkerlik jolǵa túskenniń biri Ǵabıt Shojanov. Izdense, yqylas bolsa tyǵyryqtan jol tabýǵa, múmkindik jasaýǵa bolady eken. Ǵabıt ótken jyly osy baǵdarlama arqyly bir mıllıon teńge grantqa qol jetkizgen bolatyn. Onyń bıznes jospary sarapshylarǵa unady. Jaz aılarynda qalada da, dalada da qurylys qyzý júrip jatyr. Al qurylysqa materıaldyń barlyǵy da kerek. Ol jylý jibermeıtin kóbik jasaýdy qolǵa alyp kórgisi kelgen. Izdenip edi, qoldan keledi eken.
– Baǵytymnyń durys ekenine kózim jetti. Qazir jumys kólemi asa kóp dep aıta almaımyn, jeke qurylystarǵa, kottedjder men shaǵyn úı salǵandarǵa qyzmet kórsetip júrmiz. Aldaǵy ýaqytta qarjy bolsa jumys aýqymyn mindetti túrde keńeıtemiz, – deıdi «Shojanov» kásipornynyń dırektory Ǵabıt Shojanov.
Ol endi memlekettik satyp alýǵa qatysqaly otyr. Bıyl tek Ǵabıt qana emes, granttyq qarjylandyrý úshin qostanaılyqtarǵa 105 mıllıon teńge berildi. Taǵy da qaralyp jatqan ótinishter sany da az emes, biraq qarjyny berý shartyna ózgerister engizildi.
– Buryn granttyq qarjylandyrýda da, nesıe berýde de eshqandaı shekteýler bolmaıtyn. Degenmen, memleket qazynasy saýyn sıyr emes qoı, bergen qarjynyń qaıtarymy bolýy tıis. Osyǵan baılanysty endi tıimdi baǵyttar ǵana tańdalady. Mysaly, saýda salasyna bul baǵdarlama boıynsha jeńildik nesıe berilmeıtin boldy. Bıznes jospary s
