AQSh-tyń ortalyq barlaý basqarmasy ózderiniń 1953 jylǵy Iranda bolǵan tóńkeriske tikeleı qatysy barlyǵyn naqtylaıtyn materıaldardy jarııa etti. Bul qujat Ulttyq qaýipsizdik qyzmeti muraǵatynyń saıtynda jarııalanǵan.
Qazirgi kezde 21 qujatpen ǵana tanysýǵa bolady. Olarda ortalyq barlaý basqarmasynyń «Aıaks» operasııasyn daıyndaǵany jáne júzege asyrýǵa qatysqany aıtylǵan. Atalǵan operasııa Irannyń premer-mınıstri Mohammed Mossadykty bılikten taıdyryp, bılikke Reza Pehlevıdi qaıta ákelýge baǵyttalǵan. Iranda 1953 jyly bolǵan tóńkeristiń maqsaty – M.Mossadyktyń AQSh-pen jáne Ulybrıtanııamen qatynasty úzip, eldegi munaı kompanııalaryn memleketke qaıtarý týraly zań qabyldaýyna tikeleı baılanysty.
AQSh-tyń ortalyq barlaý basqarmasy ózderiniń 1953 jylǵy Iranda bolǵan tóńkeriske tikeleı qatysy barlyǵyn naqtylaıtyn materıaldardy jarııa etti. Bul qujat Ulttyq qaýipsizdik qyzmeti muraǵatynyń saıtynda jarııalanǵan.
Qazirgi kezde 21 qujatpen ǵana tanysýǵa bolady. Olarda ortalyq barlaý basqarmasynyń «Aıaks» operasııasyn daıyndaǵany jáne júzege asyrýǵa qatysqany aıtylǵan. Atalǵan operasııa Irannyń premer-mınıstri Mohammed Mossadykty bılikten taıdyryp, bılikke Reza Pehlevıdi qaıta ákelýge baǵyttalǵan. Iranda 1953 jyly bolǵan tóńkeristiń maqsaty – M.Mossadyktyń AQSh-pen jáne Ulybrıtanııamen qatynasty úzip, eldegi munaı kompanııalaryn memleketke qaıtarý týraly zań qabyldaýyna tikeleı baılanysty.
Eks-prezıdentke resmı túrde aıyp taqty
«Frans-press» agenttiginiń habarlaýynsha, Pákstannyń burynǵy prezıdenti Pervez Mýsharrafqa 2007 jyly oppozısııa lıderi Benazır Bhýttonyń ólimine qatysy bar degen resmı aıyp taǵylǵan. Muny keshe prokýratýra da rastady.
Derek kózderine qaraǵanda, P.Mýsharraf óltirý maqsatynda soǵan yqpal etti, dep aıyptalyp otyr. Eger sot eks-prezıdenttiń kináli ekendigin tolyq dáleldeıtin bolsa, ol ólim jazasyna nemese ómir boıy túrmede otyrý jazasyna kesilýi múmkin. Eldiń burynǵy premer-mınıstri 2007 jyly Ravalpındıdegi saılaýaldy jıyn kezinde jasalǵan terrorlyq áreketten qaza tapqan edi. Oppozısııa sol kúni-aq B.Bhýttonyń ólimine P.Mýsharraftyń qatysy bar ekenin málimdegen bolatyn.
О́zen sýynyń deńgeıi 6,7 metrden asty
Habarovsk aýdanyndaǵy Amýr ózeniniń sý deńgeıi keshe 6,7 metrden asqan. Jergilikti tótenshe jaǵdaılar basqarmasynyń málimetteri boıynsha, Amýr ózenindegi sý deńgeıi 673 santımetrge jetken.
Bir táýlik ishinde sý 16 santımetrge kóterilipti. 1897 jyly atalǵan ózen sýynyń deńgeıi 642 santımetrge jetipti. Qıyr Shyǵys gıdrometeorologııa jáne monıtorıng ortalyǵy 24-28 tamyz aralyǵynda Habarovsk ólkesiniń astanasynda sý basýdyń qaýpi naǵyz «shyńyna» jetedi, degen boljam jasap otyr. Bul kúnderi Amýr ózeniniń sý deńgeıi 730-780 santımetrlik kórsetkishke jetetin sııaqty.
Qozǵalys jetekshisi tutqynǵa alyndy
«Musylman baýyrlar» qozǵalysynyń rýhanı kósemi Mohammed Badı dúısenbiden seısenbige qaraǵan túni Kaırde qamaýǵa alynǵan. Bul jóninde «Reıter» agenttigi Egıpettiń memlekettik telearnasyna silteme jasaý arqyly habarlady.
Egıpet bıligi M.Badıdi jáne onyń seriktesterin tutqyndaý týraly orderdi 24 shildede bergen eken. Osy ýaqyt ishinde ol bostandyqta júrgen. «Musylman baýyrlar» qozǵalysy 3 shildede áskerıler bılikten ketirgen eks-prezıdent Mohammed Mýrsıge qoldaý bildiredi. M.Mýrsı prezıdenttik saılaýda «Musylman baýyrlar» qozǵalysynyń qoldaý kórsetýimen jeńiske jetken edi. Prezıdent bılikten taıdyrylǵan soń, «Musylman baýyrlar» eldiń ýaqytsha úkimetimen yntymaqtastyq jasaýdan bas tartty.
Iri kólemde qarý-jaraq partııasyn tárkiledi
Nıý-Iork polısııasy qala tarıhynda buǵan deıin kezdespegen iri kólemdegi qarý-jaraq partııasyn tárkiledi. Qala meri Maıkl Blýmbergtiń málimdeýinshe, Nıý-Iorkke zańsyz jáne jasyryn túrde ákelingen qarý – 254 birlikti quraıdy.
Osyǵan qatysy bar degen kúdikpen 19 adam qamaýǵa alynǵan. Qylmystyq toptardyń áreketin ashý operasııasy tamyz aıynda bastalǵan sııaqty. Polısııanyń málimetteri boıynsha, qalaǵa qarý túrlerin jetkizýdi negizgi uıymdastyrýshylar Soltústik jáne Ońtústik Korolına shtattarynyń turǵyny Ý.Ýolker men E.Kempbell bolsa kerek. O lar qarýdy Nıý-Iorktiń Brýklındegi dybys jazý stýdııasynda saqtap, qymbat baǵaǵa satyp kelipti.
Esirtki barony 15 jylǵa sottaldy
Kalıfornııa soty «Tıhýana» atalatyn esirtki karteli jetekshileriniń biri, meksıkalyq Edýardo Felıksti 15 jylǵa sottady. «Reıter» agenttiginiń habarlaýynsha, sot ony esirtki satty, zańsyz jolmen paıda tapty dep tanyǵan.
Edýardo Felıks, sondaı-aq, «Doktor» degen laqap atymen de belgili. Ol 2008 jyly Meksıkada tutqyndalyp, ótken jyly AQSh-qa berilgen eken. AQSh-tyń quqyq qorǵaý organdary Felıkske shyǵarylǵan úkimge qatysty «bul onyń dáýiriniń aqyry» degen túsinik beripti. 56 jastaǵy esirtki barony «Tıhýana» esirtki karteline jetekshilik etken aǵaıyndy tórteýdiń sońǵysy bolyp tabylady. Olardyń bireýi polısııamen atys kezinde oqqa ushsa, ekeýi AQSh túrmesinde otyr. Al «Tıhýana» esirtki karteli Meksıkada esirtki saýdasymen aınalysatyn iri uıymnyń biri sanalady.
Qysqa qaıyryp aıtqanda:
Tájikstannyń Qyrǵyzstan shekarasyna jaqyn Isfarın aýdanynyń aýmaǵynda belgisiz bireýler bes adamnan turatyn otbasyn atyp ketken. Qylmys dúısenbiden seısenbige qaraǵan túni jasalsa kerek.
Aq úıdiń resmı saıtynyń habarlaýynsha, AQSh prezıdenti Barak Obamanyń otbasy taǵy bir ıt asyrap alǵan. Bir jasar shamasyndaǵy Sannı 19 tamyzda Mıchıgannan Vashıngtondaǵy AQSh prezıdentiniń rezıdensııasyna ákelinipti.
Serbııa úkimeti Reseı bas prokýratýrasynyń talap etýi boıynsha kásipker Borıs Berezovskııge tıesili aktıvterdiń birqataryn tutqyndady.
AQSh bıligi Egıpetke áskerı kómek berý máselesin ýaqytsha toqtatty. Onyń sebep-saldary qazirge qupııa qalyp otyr.
Internet materıaldary negizinde ázirlendi.
