Búginde «Bıznestiń jol kartasy-2020» baǵdarlamasynyń aıasynda 36 myńnan astam kásipker memlekettik qoldaýǵa ıe bolǵan. 40 myńǵa jýyq jańa jumys orny qurylǵan. Bul jóninde keshe Úkimet otyrysynda aıtyldy. Keshegi otyrysta sondaı-aq, ana men bala ólimin azaıtý jaıy da talqylandy.
Búginde «Bıznestiń jol kartasy-2020» baǵdarlamasynyń aıasynda 36 myńnan astam kásipker memlekettik qoldaýǵa ıe bolǵan. 40 myńǵa jýyq jańa jumys orny qurylǵan. Bul jóninde keshe Úkimet otyrysynda aıtyldy. Keshegi otyrysta sondaı-aq, ana men bala ólimin azaıtý jaıy da talqylandy.
«Bólingen qarjyny durys ıgerý kerek»
Premer-Mınıstr Serik Ahmetovtiń tóraǵalyǵymen ótken selektorlyq rejimdegi Úkimet otyrysynda «Bıznestiń jol kartasy-2020» baǵdarlamasynyń júzege asyrylý jaıy talqylanǵan bolatyn. Otyrysty ashyp bergen S.Ahmetov «Bıznestiń jol kartasy - 2020» baǵdarlamasyn qarjylandyrý, onyń tetikteri men quraldaryn odan ári jetildirý máseleleriniń mańyzdylyǵyna toqtala kele, kásipkerlikti damytýǵa yqpal etetin atalmysh baǵdarlama Memleket basshysynyń aıryqsha nazarynda otyrǵanyn atap ótti. Odan ári baǵdarlamanyń oryndalý barysy jaıynda О́ńirlik damý birinshi vıse-mınıstri Qaıyrbek О́skenbaev baıandady.
Q.О́skenbaevtyń aıtýynsha, ekonomıkadaǵy árbir 5 jańa jumys orny baǵdarlama sheńberinde qurylǵan. Indýstrııalandyrý kartasynyń árbir 4 jobasy baǵdarlama qoldaýyna ıe bolyp, onyń úlesi shaǵyn jáne orta bızneske bólingen barlyq nesıelerdiń 11,6 paıyzyn quraǵan. Sondaı-aq, 56 mlrd. teńge salyq tólenip otyr.
Sońǵy eki jylda baǵdarlamaǵa 3 ózgerister paketi engizilgen, taıaý arada kezekti tórtinshi ózgerister paketin engizý josparlanýda. Olardyń aıasynda kásipkerlikti qoldaý jáne olarǵa qyzmet kórsetý ortalyqtaryn, bıznes-ınkýbatorlar qurý men olardy jumys istetkizý tetikteri, sondaı-aq ındýstrııalyq aımaqtardy damytý boıynsha, jańa bastaǵandar úshin «Bıznes keńesshi-1», jumys istep júrgen kásipkerler úshin «Bıznes keńesshi-2» baǵdarlamalaryn qurýdyń negizgi ádisteri men sharalary anyqtalady.
Q.О́skenbaev Memleket basshysynyń tapsyrmasyna sáıkes ózgeristerdiń tórtinshi paketinde «Bıznestiń jol kartasy-2020» baǵdarlamasy tetikteri arqyly agroónerkásip kesheni jobalaryn qoldaý boıynsha sharalardyń qarastyrylatynyn aıtty.
«Ústimizdegi jyldyń qazanynda Úkimetke engizilmekshi usynylyp otyrǵan ózgerister qazaqstandyq kásipkerlerge memlekettik qoldaý sharalaryn kórsetý úshin jaǵdaı týǵyzady», degen senim bildirdi Q.О́skenbaev.
Talqylanǵan másele boıynsha sondaı-aq «Damý» qory basqarmasynyń tóraıymy L.Ibragımova, Qostanaı oblysynyń ákimi N.Sádýaqasov, Mańǵystaý oblysynyń ákimi A.Aıdarbaev, Jambyl oblysynyń ákimi Q.Bozymbaev sóz sóıledi.
Qaralǵan máseleni qorytyndylaı kele, Úkimet basshysy «Bıznestiń jol kartasy-2020» baǵdarlamasyn júzege asyrýda belgili dárejedegi nátıjelerdiń bar ekenin aıta kelip, ony oryndaýda sapany arttyrýdyń qajettigin, bul úshin baǵdarlamanyń barlyq áleýetin qoldaný kerektigin atap kórsetti. Osyǵan oraı, S.Ahmetov О́ńirlik damý mınıstrligine oblystarmen ózara is qımyldy úılestirýge aıryqsha kóńil bólýdi, al óńirlerge jobalardy sapaly irikteý men bólingen qarjyny durys ıgerýdi tapsyrdy.
«Ana men bala ólimi tótenshe jaǵdaı
dárejesinde qaralýy tıis»
Keshegi Úkimet otyrysynda qaralǵan ekinshi másele búginde qoǵam úshin asa mańyzdy máselelerdiń biri – ana men bala ólimin azaıtý is-sharalaryna arnaldy. Ana men bala ólimin azaıtý boıynsha is-sharalar josparyn júzege asyrý barysy týraly Densaýlyq saqtaý mınıstri Salıdat Qaıyrbekova baıandady. Mınıstrdiń aıtýynsha, sharalar qataryna halyqaralyq tıimdi tehnologııalardy engizý, ana qaýipsizdigi baǵdarlamasyn júzege asyrý, balalar syrqattaryn keshendi emdeý sııaqty júıeli sharalar qabyldaýdyń arqasynda ana men bala ólimi kórsetkishin túsirýge qol jetkizilgen.
Sońǵy 3 jylda tıimdi tehnologııalardy engizýdi úılestirý respýblıkalyq ortalyǵy jumys isteıdi. Ár aımaqta perınataldy ortalyqtar men balalar aýrýhanalary bazasynda júkti, bosanǵan analar men sábılerge, balalarǵa medısınalyq kómek kórsetetin medısına qyzmetkerlerin úzdiksiz kásibı jetildirý boıynsha oqý ortalyqtary jumys istep keledi. Perzenthanalar men balalar uıymdary medısına qyzmetkerleriniń 80 paıyzdan astamy ha lyqaralyq standarttar boıynsha bilim alyp, nátıjesinde ana men balaǵa shuǵyl kómek kórsetý eleýli túrde jaqsardy. Olardyń bilimi men tájirıbelik mashyqtaryn baǵalaý úshin Astana men Almaty qalalarynda respýblıkalyq ortalyqtar ashylyp, jumys isteýde.
Ana men bala ólimin azaıtý jóninde sondaı-aq BUU-nyń balalar qory IýNISEF-tiń Qazaqstandaǵy ókili Djýn Kýkıta sóz sóıledi.
Úkimet basshysynyń aıtýynsha, densaýlyq saqtaý salasynda sońǵy jyldary atqarylǵan jumystar az emes. Kardıohırýrgııa, transplantologııa, kólik medısınasy damyp, Ulttyq skrınıngtik baǵdarlamasy engizildi, kepildi tegin, onyń ishinde balalarǵa arnalǵan medısınalyq kómekter tizbesi keńeıýde. Sonymen qatar, S.Ahmetov mınıstrlikke aqparattyq jumystardy kúsheıtip, BAQ arqyly salaǵa engizilip jatqan jańashyldyqtar, tutastaı alǵanda, otandyq medısınanyń jetistikteri týraly habarlap otyrý qajettigin atap kórsetti.
Premer-Mınıstr ana men bala ólimi tótenshe jaǵdaı dárejesinde qaralýy tıis, al Densaýlyq saqtaý mınıstrligi óńirlermen birlesip bul salada sapaly taldaý júrgizýi kerek, dep túıindedi.
Dınara BITIKOVA,
«Egemen Qazaqstan».
