Ustazdar qaýymynyń tamyz máslıhaty ótken jyldyń jumysyn taǵy bir túıindep, jańa jyldyń usynar jańalyǵyna nazar saldy. Oblystyq bilim berý basqarmasynyń basshysy Álııa Tórtqaraeva baıandamasynda oblystaǵy bilim oshaqtarynyń ótken jyly atqarǵan jumystaryna sholý jasady. Jetken jetistikter barshylyq, biraq ótkir máseleler odan da kóp.
Ustazdar qaýymynyń tamyz máslıhaty ótken jyldyń jumysyn taǵy bir túıindep, jańa jyldyń usynar jańalyǵyna nazar saldy. Oblystyq bilim berý basqarmasynyń basshysy Álııa Tórtqaraeva baıandamasynda oblystaǵy bilim oshaqtarynyń ótken jyly atqarǵan jumystaryna sholý jasady. Jetken jetistikter barshylyq, biraq ótkir máseleler odan da kóp.
Osydan biraz jyl buryn tamyz máslıhaty mektepterdiń materıaldyq jaǵdaıynyń nasharlyǵynan bastalatyn edi. Ústimizdegi jyly oblystaǵy bilim berý salasynyń muqtajyna 44 mıllıardtan astam teńge jumsalǵan. Bul az qarjy emes. Búginde oblysta 1367 mektep bar, sonyń 568-i memlekettik tilde bilim beredi. «Mekteptiń júregi – muǵalimderdiń» de biliktilikti kóterýdegi jetken nátıjeleri qýanarlyqtaı. Respýblıkalyq «Úzdik muǵalim» baıqaýynda qostanaılyq ustazdar úsh júldeli oryndy ıelendi. Aldaǵy oqý jylynan bastap, barlyq mektepterde aǵylshyn tili birinshi synyptan oqytylady. О́tken oqý jylynda bul qanatqaqty joba tórt mektepte tabysty júrgizildi. Sonymen qatar, májiliste elektrondy oqytý jobasyn ıgerý de sóz boldy. О́tken oqý jyly mektep muǵalimderiniń 71 ınnovasııalyq jobasy ǵalymdar men tájirıbeli mamandardyń qoldaýyna ıe boldy.
Alaıda, «balapandy kúzde sanaıdy» desek, mektep túlekteriniń, oqýshylardyń úlgerim kórsetkishi áli de jumysty shıratýdy qalaıdy. Bilim sapasy oblysta tek 32 paıyzdy ǵana quraǵan. UBT-ǵa qatysqan ár úshinshi túlek joǵary oqý ornyna túsetin deńgeıdi baǵyndyra almaǵan, ár jıyrmasynshy túlek «2» degen baǵa alǵan. «Altyn belgiden» úmitker 135 túlektiń 42-si ǵana óz bilimin dáleldegen. Mine, osyndaı kórsetkishterdiń barlyǵy da bilim berý salasy qyzmetkerleriniń qamshy basýyn talap etedi. Oblystaǵy bilim oshaǵynyń 77,5 paıyzy shaǵyn komplektili mektepter, olardyń 70 paıyzy aýyldy jerlerde ornalasqan. Munyń ózi muǵalimder tapshylyǵynyń basty sebebine aınalyp otyr.
Tamyz máslıhatynda bilim sapasyn kóterýdiń taǵy basqa da túıindi máseleleri sóz boldy. Oǵan oblys ákimi N.Sádýaqasov qatysyp, sóz sóıledi.
Názıra JÁRIMBETOVA,
«Egemen Qazaqstan».
QOSTANAI.
