Qostanaıda osyndaı oqıǵa boldy. Bul qylmystyq is sot aldyna keldi. Olardyń arasynda polısııanyń usaq qyzmetkerleri ǵana emes, sonymen qatar oblystyq ishki ister departamentiniń beldi adamdary da bar.
Qostanaıda osyndaı oqıǵa boldy. Bul qylmystyq is sot aldyna keldi. Olardyń arasynda polısııanyń usaq qyzmetkerleri ǵana emes, sonymen qatar oblystyq ishki ister departamentiniń beldi adamdary da bar.
Mundaı masqarany Ishki ister mınıstrligi buryn-sońdy bastan keshken emes. 13 adamnan quralǵan bul uıymdasqan qylmystyq top Qostanaı oblysynda esirtki zattaryn taratýmen aınalysyp kelgen. Pogon taqqan «qubyjyqtardy» Ulttyq qaýipsizdik qyzmetkerleri ustady. Aldymen torǵa Rezıda Asylbaeva, Alevtına Petrenko jáne Nadejda Kıseleva esimdi áıelder tústi. Sodan soń sheńber shıratylyp sala berdi. Keıin anyqtalǵandaı, aımaqqa ákelinetin barlyq esirtki tasymalynda polıseılerdiń qatysýy bar bolyp shyqty. Tipti, bularsyz bul jasyryn saýda júrmeıdi eken. Quqyq qorǵaýshylardyń biri osy iste qalqan bolsa, ekinshisi, kózin juma qaraǵan, al úshinshisi, esirtkini tikeleı aınalymǵa jiberýmen aınalysqan.
Tergeý qorytyndysynda 34 qylmystyq is qozǵalyp, ol boıynsha 37 adam kúdikti retinde ataldy. Bulardyń 13-i polısııa qyzmetkerleri eken.
Osy atyshýly is kúni keshe sotqa ótkizildi. Dúrbeleńi kúshti osy máseleni oblystyq sottyń tóraǵasy Asylbek Jumaǵulovtyń ózi qaraıtyn bolypty. Endi taıaý kúnderde sottyń birinshi tyńdaýy ótkiziledi.
Qurysh NURYMBET.
