Jarys nátıjesi boıynsha bizdiń sportshylar 4 altyn jáne 2 kúmis medal jeńip alǵan. Bul jarystarǵa daıyndyq bir aıdan astam ýaqytqa sozyldy. Sportshylar kóp daıyndalyp, jattyqty. Búgin chempıondardy temirjol vokzalynyń perronynda jaqyndary men qala basshylyǵynyń ókilderi qarsy aldy.
– Bizdiń komanda jaqsy óner kórsetti. Shyǵys Qazaqstan oblysynyń komandasy quramynda toǵyz sportshynyń segiz sportshysy Semeıden boldy. Jalpy komanda 4 altyn, 2 kúmis jáne bir qola medal alyp keldi. Qolany О́skemen sportshysy jeńip aldy. Jarys óte nátıjeli ótti, komanda laıyqty óner kórsetti. Qarsylastar asa kóp bolǵan joq, tóreshiler negizinen tehnıkaǵa qarady. Sportshylar barlyq Qazaqstannan jınalǵan, biraq bizdiń sportshylar ózderin óte laıyqty kórsetti, - deıdi Semeı komandasynyń ókili Andreı Moskalev.
Tájirıbeli sportshylarmen qatar komanda quramynda jańadan kelgen sportshylar da boldy. Olar úshin bul týrnır birinshi jáne eń mańyzdy jarys bolyp tabyldy, dedi Semeı aqparattyq ortalyǵynyń mamandary.
– Bul meniń alǵashqy jarysym, sondyqtan da óte qıyn boldy. Men ne kútetinimdi jáne munyń bári qalaı bolatynyn bilmedim. Qandaı áser alǵanymdy da sıpattaı almaı otyrmyn. Qol dirildep, kúlimsirep júrdim. Bizdiń jattyqtyrýshylarymyzǵa alǵysymdy bildirgim keledi. Olar bizge ózimizge senimdilik berip júrgenderi úshin. Osylaısha biz olardy jetistikterimizben qýantýǵa tyrysamyz. Jarysta ekinshi oryn aldym, biraq kelesi joly, odan da jaqsy daıyndalyp, altyn alamyn dep oılaımyn, - dep týrnırdiń kúmis júldegeri Roman Lıoss óz áserimen bólisti.
Sonymen qatar, sportshylar Semeı qalasynyń ákimi Ermak Sálimov pen kópbalaly otbasy balalary men múmkindigi shekteýli adamdar úshin sport zaldarynda tegin aınalysýǵa múmkindik berip otyryp, qala sportyn damytýǵa eleýli úles qosyp kele jatqan máslıhat depýtaty Andreı Altaıbaevqa alǵysyn bildirdi.
