Jaýapty mamannyń sózinshe, tazalyq jumysy kúnine eki ret tańerteń jáne keshki ýaqyttarda júrgiziledi. Dezınfeksııaǵa arnalǵan qospalardyń adam densaýlyǵyna eshqandaı zııany joq. Sondaı-aq, basqarma basshysynyń orynbasary shahardaǵy barlyq úı aýlalary, balalar men sporttyq alańqaılar, saıabaqtar, skverler jáne qoqys jáshikterin de dezınfeksııalaý jumystary kúsheıtilgenin atap ótti.
«Qoqys shyǵaratyn uıymdar kúndelikti kestege sáıkes qatty turmystyq qaldyqtardy shyǵarýda. Qaladaǵy konteınerlik alań men konteınerlerge dezınfeksııa jumystary kúsheıtilgen túrde júrgizilip jatyr. Qurmetti qala turǵyndary! Sizderdiń qaýipsizdikterińiz úshin barlyq paıdalanǵan medısınalyq qaldyqtardy ári qaraı zalasyzdandyrý maqsatynda bólek paketterge jınap, shyǵarýlaryńyzdy suraımyz», – dedi Dıas Ahmetqalıev.
