Maıkrosofttyń “Pulse Survey” atty sońǵy zertteýi aıasynda Eýropa men AQSh-taǵy 800 den astam bıznes ókilderi arasynda jasandy ıntellektini endirý josparlaryna qatysty saýalnama júrgizilgen. Zertteý nátıjesi qarqyndy damyp jatqan kompanııa basshylarynyń 76%-y bızneste jasandy ıntellektiniń keńinen qoldanylýyna qatysty óz kóshbasshylyq daǵdylaryn jetildirgisi keletindigin bildirgen. Atalǵan kompanııalardyń 93,5%-y kelesi úsh jylda jasandy ıntellektige ınvestısııa quıýdy kózdep otyrǵan kórinedi.
Alaıda strategııany ázirleý barysynda bıznes kóshbasshylary óz kompanııalaryna jasandy ıntellektini qalaı jáne qaıdan engizý qajettiligi jaıly bilmeı jatady. Dál sol sebepti Maıkrosoft Jasandy ıntellekt jónindegi bıznes-mektepti (Micrososft AI Business School) iske qosyp otyr, ony https://www.microsoft.com/en-us/ai/ai-business-school saıtynda tegin ári onlaın túrde qoldanýǵa bolady.
Bıznes kóshbasshylarynyń biliktiligin kóterýdi kózdeıtin bul biregeı baǵdarlama jasandy ıntellekt kómegimen bıznesti basqarýdyń eń mańyzdy tustaryn qamtyp otyr. Onda jetekshi basshylardyń, qarjylyq dırektorlar men sarapshylardyń bıznesti damytý úshin jasandy ıntellektini qoldaný boıynsha jeke tájirıbelerine negizdelgen ıdeıalary men keńesteri sabaq túrinde usynylǵan.
Bıznes kóshbasshylary ózderine yńǵaıly qarqynda kontentke qol jetkizip, ózderine qyzyqty degen dáristerdi qarap, jasandy ıntellekt kómegimen bıznestegi shyǵyndardy tabysty túrde azaıtyp, qyzmet kórsetý sapasyn kótere otyryp, óz uıymdaryn túbegeıli túrde ózgerte alǵan búkil salalarda qyzmet etetin basshylardyń tájirıbesin tyńdap, onymen tanysa alady. Qazirdiń ózinde portalda jasandy ıntellekt taqyrybynda mátin jáne beıne túrindegi materıaldardyń, taqyryp aıasyndaǵy zertteýlerdiń úlken kólemi jarııalanǵan. Baǵdarlama turaqty túrde jańa mazmundy kontentpen tolyǵyp turmaq.
Jasandy ıntellekt arqyly transformasııa jasaý ár kompanııa úshin jeke dara jol bolmaq jáne de ol klıentterdiń qoıyp otyrǵan bıznes mindetterine táýeldi. Osylaısha Maıkrosoft klıentterge jasandy ıntellektiniń búkil áleýetin júzege asyryp, ony strategııalyq turǵyda is júzinde qoldanýǵa kómektesý úshin óz úlesin qosyp otyr.
Atalmysh mektep álemdegi eń iri bıznes-mektepterdiń biri sanalatyn INSEAD kompanııasymen seriktestik aıasynda qurylǵan. Ol jetekshi bıznes kóshbasshylarynyń oqytý ádisterin Maıkrosoft mıssııasymen birtutas maqsatqa biriktirip otyr. Kompanııa ókilderi jobanyń túpki maqsaty – uıymdar men jeke tulǵalarǵa jasandy ıntellektiniń áleýetin tolyǵymen júzege asyrýǵa kómektesý ekenin málimdedi.
