Partııa ókilderi soǵys ardagerleri men qaraýshysy joq qarttarǵa, jaǵdaıy tómen januıalar men múmkindigi shekteýli azamattarǵa úzbeı kómek kórsetip keledi. Kezekti ret shahardyń Naýryzbaı aýdanynda turatyn 25 adamǵa qorǵanys quraldary bar sómke tabystaldy. Sómkede sabyn, antıseptık jáne medısınalyq betperde bar.
– Karantınge baılanysty qıyn jaǵdaıda qalyp, úılerinen shyǵa almaı jatqandar kóp. Sondyqtan biz Jas Otan jastar qanatymen birlese otyryp aksııany qaıtadan qolǵa aldyq. Bul isterdi atqarýda bizge eriktiler qaýymy kóp kómek kórsetýde. Maqsatymyz – azamattardyń aty jaman indetten aman qalýyna sál de bolsa úlesimizdi qosý, – deıdi Nur Otan partııasy Naýryzbaı aýdandyq fılıalynyń bólim basshysy Áıgerim Túgerekova.
Naýryzbaı aýdanynda kómekke muqtaj 500-deı otbasy bar desek, osynaý ıgi shara qanat qaqqaly onyń 100-den astamy kómekke ıe boldy. Qaıyrymdylyq aksııa aıasynda tutas el aýmaǵynda turatyn 7 myń adamǵa osyndaı qoldaý kórsetilmek.
ALMATY
