Bul týraly oblysy ákimi Amandyq Batalovtyń tóraǵalyǵymen ótken selektorlyq otyrysta aıtyldy. Aımaqtaǵy ahýal jaıynda esep bergen oblys ákiminiń orynbasary Serikjan Beskempirov áleýmettik mańyzy bar azyq-túlik ónimderine monıtorıng júrgizý jáne baǵany ustap turý boıynsha jumystar júrgizilip jatqanyn aıtty. Bul maqsatta oblysta qajetti rezerv bar, qajetti azyq-túlikpen qamtý úshin aýylsharýashylyǵy jármeńkeleri ótkip jatyr. Saýda oryndarynda da turǵyndar satyp alatyn qajetti zattar qory jetkilikti. Osyǵan qaramastan birqatar aýdandarda kókónis pen jemis-jıdek túrlerine jáne un, jarma ónimderiniń baǵasyna zerdeleý jumysy jasalmaǵan. Nátıjesinde, alyp-satarlar arasynda baǵany zańsyz kóterý faktileri oryn alǵan eken.
Selektorlyq jıynda oblys ákimi Amandyq Batalov barlyq aýdan boıynsha azyq-túlik baǵasyna baqylaýdy kúsheıtýdi tapsyryp, shaǵyn jáne orta bızneske qoldaý kórsetý joldaryn naqtylady. Qazir aımaqta Memleket Basshysy Qasym-Jomart Toqaevtyń tapsyrmasyna sáıkes, epıdemıologııalyq jaǵdaıǵa baılanysty ýaqytsha paıdalanylmaıtyn alańnyń jaldaý aqysyn keıinge qaldyrý nemese tolyqtaı alyp tastaý úshin kelissózder júrgizý bastaldy.
Almaty oblysy
