Atap aıtsaq, qoımalarda saqtalǵan et jáne sút ónimderi oblystyń qajettiligin 39 kúnge, kókónis 33 kúnge, kúrish jáne qaraqumyq 25 kúnge, un 78 kúnge, makaron 28 kúnge, qant 50 kúnge, ósimdik maıy 38 kúnge jáne basqa da taýarlar qory bir aıdan astam ýaqyt boıy óteýge jetkilikti. Sol sııaqty kún saıyn óndiriletin et, sút, nan kólemi qaıta arta túsken.
Degenmen, maýsymaralyq kezeńge baılanysty kartop, qyryqqabat jáne qant baǵalarynyń kóterilýi baıqalady. Jergilikti óndiris oryndary óńirdiń unǵa degen ishki qajettilikterin 71 paıyzǵa, makaron boıynsha 68 paıyzǵa, jumyrtqaǵa degen suranysty 84 paıyzǵa qanaǵattandyra alady. Suranys artqan jaǵdaıda oblys aýmaǵyndaǵy úsh jańa qus fabrıkasy men úsh makaron fabrıkasynyń óndiris kólemin arttyrýǵa múmkindik bar eken.
Búginde óńirde syıymdylyǵy 313,2 myń tonna bolatyn 218 kókónis saqtaý qoımasy jumys isteıdi. Onyń ishinde 160 kókónis saqtaý qoımasy arnaıy tońazytqyshtarmen jabdyqtalǵan.
Jambyl oblysy
