Qoǵam • 26 Naýryz, 2020

Baýyrjan Baıbek: 11 600-den astam otbasyǵa kómek kórsetildi

247 ret

kórsetildi

1 mın

oqý úshin

6 kúnde búkil el kóleminde 11 600-den astam otbasyǵa 214 mln teńgege kómek kórsetildi. Bul týraly «Nur Otan» partııasy tóraǵasynyń birinshi orynbasary Baýyrjan Baıbek Facebook paraqshasynda jazdy.

Marjan TILEÝBEK

Baýyrjan Baıbek: 11 600-den astam otbasyǵa kómek kórsetildi

- Memleket basshysynyń bastamasymen qolǵa alynǵan «Biz birgemiz!» respýblıkalyq aksııasy aıasynda Elbasynyń tapsyrmasy boıynsha «Nur Otan» partııasy men Tuńǵysh Prezıdent Qory koronavırýs kezeńinde halyqtyń áleýmettik álsiz toptaryna qoldaý kórsetý úshin qarajat bóldi. Tek sońǵy 6 kúnde búkil el kóleminde 11 600-den astam otbasyǵa 214 mln teńgege kómek kórsetildi, - delingen habarlamada.

Sondaı-aq ol erekshe qajettilikteri bar azamattar men kópbalaly otbasylarǵa áleýmettik paketterdi úlestirip berýge erikti túrde atsalysyp júrgen «Jas Otan» volonterlary men belsendi nurotandyqtarǵa alǵys bildirdi.

- Jalǵyz basty qarttarǵa, turmysy tómen kópbalaly otbasylarǵa, erekshe qajettilikteri bar azamattar men basqa da muqtaj jandarǵa áleýmettik paketterdi baılanyssyz úlestirip berýge erikti túrde atsalysyp júrgen «Jas Otan» volonterlary men belsendi nurotandyqtarǵa alǵys aıtamyn, - dep jazdy Baýyrjan Baıbek.