Qoǵam • 26 Naýryz, 2020

«Astana Opera» kóp ret qoldanýǵa bolatyn maskalar tigýde

12 ret kórsetildi

«Astana Opera» koronavırýspen kúres maqsatynda kóp ret qoldanýǵa bolatyn maskalardy ázirleýge kiristi. Basshylyq alǵashqy partııany UMC korporatıvtik qorynyń Ulttyq balalardy ońaltý ortalyǵyna tapsyrý týraly sheshim qabyldady, ol jerde árbir 25 kúni 300-313 bala 230 ata-anasymen em qabyldaýda. Bul týraly teatrdyń baspasóz qyzmeti habarlady.

– «Astana Operanyń» tigin, kostıýmerlik jáne býtafor sehtarynyń sheberleri qashyqtan jumys jasaý tártibine kóshýine baılanysty ózderiniń úıinde jeke tigin mashınalarymen maskalar tigýde. Olardyń árqaısysyna teatr qoımasynan materıaldar jetkizildi. Biz aq tústi maqta matany, dákeni paıdalanamyz, sondaı-aq ákimshilik eni 7 santımetr rezeńke satyp aldy. Maskanyń ólshemi 20 h 19 santımetr, ol maqta matanyń bir qabaty men dákeniń alty qabatynan turady. Qol jumysy da oryn aldy – búrmelerdi salyp, maskalar útikteldi. Maskalardyń bir bóligi medısınalyq ortalyqtarǵa tabys etilýine qaramastan, aldymyzda aýqymdy jumys tur – eki myń metr matany óńdeý qajet, – dep atap ótti «Astana Operanyń» kostıýmder boıynsha aǵa tehnology Janar Momynova.

Osylaısha, 5 sáýirge deıin taǵy da 2000 maska tigý josparlanýda. Budan bólek, daıyndalǵan 200-den astam maska teatrda jumystaryn jalǵastyryp kele jatqan qyzmetkerlerge taratyldy, olardyń qatarynda spektaklderdiń tikeleı kórsetilimin júzege asyratyn IT bóliminiń mamandary, sonymen qatar kúzet qyzmeti men teatrdyń jedel shtab qyzmetkerleri bar.

Sońǵy jańalyqtar

Qaı salada jalaqy ósti?

Ekonomıka • Keshe

Reseı azamattary alǵys aıtty

Aımaqtar • 26 Aqpan, 2021

Jambyl Jabaevtyń 175 jyldyq mereıtoıy bastaldy

Fotogalereıa • 26 Aqpan, 2021

Fýtzal: Belarýske qarsy oınaımyz

Sport • 26 Aqpan, 2021

Uqsas jańalyqtar