ÝEFA klýbtar reıtınginiń alǵashqy úshtigin Ispanııa komandalary eshkimge bermeı tur. Atap aıtar bolsaq, Madrıdtiń «Real» komandasy 134.000 upaımen reıtıngtiń kóshin bastap keledi. Ekinshi oryndy «Atletıko Madrıd» (126.000) ıelense, úzdik úshtikti «Barselona» klýby (124,000) qorytyndylap tur.
Qazaqstandyq komandalar arasyndaǵy eń úzdik kórsetkish elordanyń «Astana» komandasyna tıesili. Byltyr Eýropa lıgasynyń toptyq kezeńinde synǵa túsken «Astana» ÝEFA klýbtar reıtınginde 56-orynǵa jaıǵasqan.
2019/2020 jylǵy Eýrododa maýsymy boıynsha, Germanııanyń «Bavarııa» men Fransııanyń PSJ klýbtary 23.000 upaımen alǵashqy oryndy bólisip tur. Úshinshi orynda taǵy bir germanııalyq «RB Leıpsıg» klýb ornalasqan. Enshisinde 22,000 upaıy bar.
Qazaqstandyq komandalar arasynda ádettegideı «Astana» komandasy kósh bastap keledi. 3.000 upaı bar elorda komandasy klýbtar reıtınginde 78-orynda. Almatynyń «Qaıraty» 1,500 upaımen 147-shi, Shymkenttiń «Ordabasy» klýby da dál sondaı upaımen 168-orynǵa turaqtaǵan. Al 1.000 upaımen Qostanaıdyń «Tobyly» 195-shi orynda keledi.
