«Qos qoǵamdyq qor birigip, osyndaı oıǵa toqaılastyq. Koronavırýs – elimiz úshin aýyr synaq. Osy sátti paıdalanyp, paıda tabýdy kózdegenderdi de kózimiz kórdi. Bul uıat nárse. Qazaq jumyla kótergen júk jeńil deıdi. Biz kún saıyn betperde tigip, muqtaj jańdarǵa tegin taratyp jatyrmyz. Sonyń ishinde PIK qyzmetkerleri de bar. Bul betperdeler taza shyt matadan tigilgen. Jýyp, útiktep, qaıtadan paıdalanýǵa bolady. Qalada kúnde dızenfeksııa jasalyp jatyr. Sondyqtan qorǵanysh dákesin jıi aýystyryp turmasa bolmaıdy. Qazir biraz adam betperde tigýdi kommersııaǵa aınaldyryp jiberdi, bıznes kózine aınaldyrǵandar kóbeıdi. Azyq-túlik alýǵa áreń qoly jetip júrgen muqtaj jandar maska satyp alýǵa kúnde aqshany qaıdan alsyn» – deıdi «Analarǵa kómek» qoǵamdyq qorynyń basshysy Gúldáýren Baqbergenova.
Izgishýaq isti qolǵa alǵan eriktiler qoǵamǵa sál de bolsa paıdamyz tıse degen tilekte. Kóńil qýantarlyǵy sol, almatyda sońǵy kúnderi mundaı saýapty jumysty qolǵa alǵan azamattar kóbeıe túsken.
