Aımaqtar • 27 Naýryz, 2020

Jambylda jyl basynan beri 80 esirtki qylmysynyń joly kesilgen

81 ret kórsetildi

Jambyl oblystyq Polısııa departamenti Esirtki qylmysyna qarsy is-qımyl basqarmasynyń bastyǵy, polısııa podpolkovnıgi Ashat Almetov esirtkige qatysty 300-ge jýyq derektiń ashylǵanyn málimdedi. О́ńirde jyl basynan beri 80 esirtki qylmysynyń joly kesilgen.

Oblystyq Polısııa departamenti Esirtki qylmysyna qarsy is-qımyl basqarmasynyń qyzmetkerlerimen aǵymdaǵy jyldyń eki aıynda oblys boıynsha 80 qylmystyq quqyqbuzýshylyq anyqtalǵan. Onyń ishinde 23 esirtki satý, 8 asa iri kólemdi esirtki zatyn saqtaý deregi, sondaı-aq, 3 esirtki jáne psıhotroptyq zattardy nemese soǵan uqsas nárselerdi nasıhattaý nemese zańsyz jarnamalaýmen aınalysý deregi bar. Sonymen qatar, arnaıy bólimsheniń Shekara qyzmetimen birlesken is-sharasy nátıjesinde esirtki kontrabandasynyń 1 deregi anyqtalǵan. Zańsyz aınalymnan barlyǵy 123 kılogramm 244 gramm kólemindegi ártúrli esirtki zattary alynǵan. Onyń ishinde 1 kılogramm 12 gramm geroın, 11 kılogramm 546 gramm gashısh jáne 110 kılogramm 678 gramm marıhýana bar.

Polısııa podpolkovnıgi Ashat Almetov zańsyz esirtki aınalymyna qarsy kúreste oblys turǵyndary men jastar arasynda nashaqorlyqtyń aldyn alýǵa, esirtki qylmystaryn anyqtaýǵa, esirtki quraldarynyń zańsyz aınalymy salasynda uıymdastyrylǵan qylmystyq toptardyń is-áreketiniń jolyn kesýge, esirtki zattarynan alynǵan qarajatty zańdastyrý faktilerin anyqtaýǵa jáne qujattandyrýǵa basa nazar aýdarý qajettigin jetkizdi. Basqarma bastyǵy kúndelikti monıtorıng barysynda ınternet-keńistikte sıntetıkalyq esirtki quraldaryn taratýmen aınalysatyn 12 ınternet-saıttyń anyqtalyp, buǵattalǵanyn aıtty. Sonymen qatar, polısııa qyzmetkerlerimen Jambyl oblystyq jastar saıasaty máseleleri basqarmasy men «Jasyl el Taraz» mekemesiniń qyzmetkerleri arqyly úıler men ǵımarattardyń qabyrǵalaryndaǵy 300-ge jýyq graffıtı-jazýlar joıylǵan. Sondaı-aq, Taraz qalasynda úılerdiń qabyrǵalary men qorshaýlarynda sıntetıkalyq esirtkini nasıhattaıtyn graffıtı-jazýlardy jazǵan 3 adam qolǵa túsken. О́z sózinde Ashat Almetov aldaǵy ýaqyttarda da esirtki qylmystarynyń jolyn kesý, aldyn alý baǵytyndaǵy jumystardyń jalǵasa beretinin jetkizdi.

Jambyl oblysy

Sońǵy jańalyqtar

Koronavırýs gúl arqyly juǵa ma?

Koronavırýs • Búgin, 17:08

Almatyda páter urylary ustaldy

Aımaqtar • Búgin, 16:37

Oralda 17 jastaǵy jigit kópirden sekirdi

Aımaqtar • Búgin, 15:18

«Nissan Primera» kóligi jylqy soqty

Aımaqtar • Búgin, 13:25

Uqsas jańalyqtar