Qazaqstan prezıdentiniń nusqaýyna, Qorǵanys mınıstrligi men Syrtqy ister mınıstrliginiń, sondaı-aq Tájikstannyń memlekettik organdarynyń kúsh-jigerine sáıkes, bizdiń otandastarymyz elimizge orala aldy.
Sondaı-aq ushýdaǵy qaýipsizdik maqsatynda olardy áskerı dárigerlerdiń medısınalyq toby alyp júrdi. Elimizge kelgen qazaqstandyqtardyń arasynda koronavırýsty juqtyrǵandar joq. Barlyq jolaýshylar ózderin jaqsy sezinedi, densaýlyqtaryna shaǵymdary joq. Erejege sáıkes elge oralǵandardyń barlyǵy medısınalyq tekserýden ótip, ınfeksııalyq baqylaý talaptaryn saqtaı otyryp, karantınge ornalastyrylatyn bolady.
Esterińizge sala keteıik, buǵan deıin Qazaqstan ÁÁK áskerı-kólik avıasııasynyń kúshimen Saýd Arabııasynan 33, Kýveıt memleketinen 2, Qyrǵyzstannan 21 qazaqstandyq evakýasııalanǵan bolatyn.
Otanymyzǵa qaıta oralǵan qazaqstandyqtar Qazaqstan Úkimeti men Qorǵanys mınıstrligine alǵystaryn bildirdi. Áskerı qyzmetshilerdiń ózderi atap ótkendeı, əsker – bul eń aldymen óz halqynyń qorǵaýshylary jáne qazaqstandyqtardyń qaýipsizdigin saqtaýshylar.
