Koronavırýs • 31 Naýryz, 2020

Qazaqstannyń toǵyz qalalasynda bıologııalyq qorǵanys bólimsheleri dezınfeksııalaý jumystaryn ótkizýde

21 ret kórsetildi

Tótenshe jaǵdaı jarııalanǵan alǵashqy kúnnen bastap Nur-Sultan, Almaty, Shymkent, Aqtaý, Aqtóbe, Atyraý, Qaraǵandy, Qyzylorda men Taraz qalalarynda ornalasqan qurylys nysandary men olarǵa qarasty aýmaqtardyń Qarýly Kúshteri bıologııalyq qorǵanys bólimsheleriniń áskerı qyzmetshileri arnaıy zalalsyzdandyrý jumysyn atqarýda.

Áskerı qyzmetshilerdi jaýyngerlerdi jappaı joıý qarýynan urys alańynda qorǵaýmen aınalysatyn azamattyq qorǵanys jumystaryna tartý – bul qajettilik bolyp tabylady. QR Prezıdenti – Qarýly Kúshterdiń Joǵary Bas qolbasshysynyń tapsyrmasyna sáıkes dezınfeksııalaý jumystarynyń aýmaǵy keńeıtilip, bıologııalyq qorǵanys bólimsheleriniń sany arttyryldy.

Nur-Sultan qalasynda dezınfeksııalaý jumysy qalaı júrgizilip jatqandyǵy týraly qorǵanys mınıstri Nurlan Ermekbaev tekserdi. Áńgimelesý barysynda ol áskerı qyzmetshilerdiń Qazaqstan azamattarynyń densaýlyǵy men amandyǵyn saqtaýda atqaratyn jumystary mańyzdy jáne aýqymdy ekendigin aıta ótti.

«Áskerılerdiń erekshelikteri – beıbit kezde isteri kórinbeı, qıyn kezeńde kómekke keletini bolyp tabylady», – dedi Nurlan Ermekbaev sapta túzelgen sarbazdar men serjanttarǵa óz nazaryn aýdaryp. Elimizde qajetti sharalar jasalyp, ınfeksııaǵa qatysty jaǵdaı baqylaýǵa alynǵan, biraq biraz jınaqtalyp, ustamdylyq tanytý qajet.

«Sizderge tek basshylyqtyń ǵana emes, týǵan-týys, dos jáne barlyq qazaqstandyqtardyń nazary aýdarylyp, qurmet, senim jáne túsinistikpen qaraýda», – dedi mınıstr.

Áskerı qyzmetshilerdiń ózderiniń densaýlyqtarynyń qaýipsizdigi de asa mán berý kerek. Bir jaýyngerdiń ǵana syrqaty bólimsheniń ǵana emes, búkil áskerı bólimniń jaýyngerlik ázirligine nuqsan keltirýi múmkin. Áskerılerge barlyq sanıtarlyq-gıgıenalyq normalardyń talaptary qatań saqtalyp, indettiń alǵashqy belgilerin bilý jáne olar anyqtalǵan kezde basshylyqqa jedel túrde baıandaý jóninde eskertildi.

Áskerılerdiń fızıkalyq belsendilikti eskerip, jeke quramnyń tamaqtaný rasıonyn qaıta qarastyryp, densaýlyqty qalypty jaǵdaıda saqtaý úshin vıtamınderdi berýdi uıymdastyrý tapsyryldy. Áskerı qyzmetshilerdiń kún saıynǵy monshaǵa barýy, kıimderdiń arnaıy quraldarmen tazalap, jeke gıgıena quraldarymen ýaqytyly qamtamasyz etilýi uıymdastyrylǵan. Jumys barysynda áskerı qyzmetshilerdiń dalada kóp ýaqyt ótkizýlerine baılanysty sektorlar boıynsha arnaıy bıodárethanalar men ákimshilik ǵımarattarǵa kirýge múmkindik berý máselesi qarastyrylýda.

Jumys eritindisiniń daıyndaý ádisin saqtaý tapsyrylyp, ekologııalyq zaqym keltirýdi joıý tapsyryldy. Dezınfeksııalaýǵa jatatyn nysandar men aýmaqtardy tolyqtaı óńdeý eskertildi. Odan basqa quraldardy aýystyrý men jóndeý jumystaryn júrgizý máselesi sheshilýde.

Sońǵy jańalyqtar

Qazaqstanda et qymbattady

Qoǵam • Búgin, 15:10

Elimizde kıik sany kóbeıip keledi

Qazaqstan • Búgin, 14:41

ShQO-da elikti atqan brakoner sottaldy

Qoǵam • Búgin, 11:20

Uqsas jańalyqtar