Sońǵy kezderi áleýmettik ahýaly mardymsyz azamattar men otbasylarǵa, bala-shaǵaǵa túrli deńgeıde qaıyrymdylyq kómek berip, járdem qolyn sozatyndar kóbeıdi. Bul – «óle jegenshe, bóle je» deıtin halyqtyń urpaqtary, «kórshisi ash otyryp, ózi toq otyrǵandy» kúná sanaıtyn dinniń ókilderi retinde qaıta aınalyp qazyǵymyzdy tapqandyǵymyzdyń belgisi bolsa kerek.
Sońǵy kezderi áleýmettik ahýaly mardymsyz azamattar men otbasylarǵa, bala-shaǵaǵa túrli deńgeıde qaıyrymdylyq kómek berip, járdem qolyn sozatyndar kóbeıdi. Bul – «óle jegenshe, bóle je» deıtin halyqtyń urpaqtary, «kórshisi ash otyryp, ózi toq otyrǵandy» kúná sanaıtyn dinniń ókilderi retinde qaıta aınalyp qazyǵymyzdy tapqandyǵymyzdyń belgisi bolsa kerek.
Jýyrda Aqtaý qalasyndaǵy Yntymaq alańynda halyq qujynap, «GaZel» markaly avtokólikter ıin tirese syńsyp turdy. Barsam, jyldaǵy dástúrine saı «Nur Otan» HDP Mańǵystaý oblystyq fılıaly uıymdastyrǵan «Shyn júrekten» atty qaıyrymdylyq onkúndiktiń bastalýy eken.
Partııanyń oblystyq fılıaly tóraǵasynyń birinshi orynbasary Q.Jumashev «halyqtyń ómir súrý deńgeıiniń jaqsarýyna qaramastan, qoǵamymyzda qamqorlyqqa zárý, óz ortasynyń kóńil aýdarýyn qajet etetin azamattar bar. Olardyń sanatyna ózin qamtamasyz ete almaıtyn múgedekter, kópbalaly analar, tómengi mólsherde zeınetaqy alatyn zeınetkerler, áleýmettik az qamtylǵan azamattar, jalǵyzbasty eńbekke jaramsyzdar men jetim jáne múmkindigi shekteýli balalar jatady» degen ol qaıyrymdylyq aksııasy elimizdiń Konstıtýsııa kúnine arnalǵanyn, sonymen qatar, bilim kúnin de umyt qaldyrmaı osy onkúndik aıasynda «Balany mektepke daıarlaıyq» aksııasynyń birge júretinin aıtty.
Mańǵystaý oblysynda jarty mıllıonnan astam turǵyn bar desek, sonyń 20 myńǵa jýyǵy kómekke muqtaj. Aksııada osy azamattar men otbasylardyń tizimi arnaıy taqtaǵa ilinip, kómek beremin degenderdiń nazaryna usynyldy. Quqyq qorǵaý oryndary, ádilet basqarmasy men «Nur Otan» partııasy qoǵamdyq qabyldaý júrgizgen aksııada Mańǵystaý oblystyq, Aqtaý qalalyq jáne Munaıly aýdandyq máslıhattar depýtattary, túrli qoǵamdyq birlestikter men qaıyrymdylyq qozǵalystary, iri saýda ortalyqtary, áleýmettik mekemeler balalarǵa mektep kıimderi men oqý-quraldaryn, qamqorsyz otbasylarǵa aqshalaı jáne azyq-túlik usyndy. Konstıtýsııa kúniniń arnaıy syılyǵy da umyt qalǵan joq.
Gúlaıym ShYNTEMIRQYZY,
«Egemen Qazaqstan».
Mańǵystaý oblysy.
