Keshe Ortalyq saılaý komıssııasynyń Memleket basshysynyń Jarlyǵymen taǵaıyndalǵan Parlament Senatynyń depýtattaryn tirkeý týraly qaýly qabyldaǵan otyrysy ótti. Sondaı-aq OSK úsh ákimshilik-aýmaqtyq qurylymynda ótken aýyl ákimderin qaıta saılaýdyń bastapqy qorytyndylaryn jarııalady.
Keshe Ortalyq saılaý komıssııasynyń Memleket basshysynyń Jarlyǵymen taǵaıyndalǵan Parlament Senatynyń depýtattaryn tirkeý týraly qaýly qabyldaǵan otyrysy ótti. Sondaı-aq OSK úsh ákimshilik-aýmaqtyq qurylymynda ótken aýyl ákimderin qaıta saılaýdyń bastapqy qorytyndylaryn jarııalady.
Ortalyq saılaý komıssııasy «Qazaqstan Respýblıkasynyń Parlamenti jáne onyń depýtattarynyń mártebesi týraly» Konstıtýsııalyq zańynyń 24-baby 1-tarmaǵyna sáıkes jáne «Qazaqstan Respýblıkasy Parlamentiniń Senaty depýtattaryn taǵaıyndaý týraly» Prezıdenttiń 2013 jylǵy 26 tamyzdaǵy №622 Jarlyǵy negizinde taǵaıyndalǵan Birǵanym Saryqyzy Áıtimovany, Asqar Asanuly Beısenbaevty, Sergeı Nıkolaevıch Gromovty, Lázzat Ketebaıuly Qıynovty, Georgıı Vladımırovıch Kımdi, Dýlat Rashıtuly Qusdáýletovti, Serik Nógerbekuly Nógerbekovti jáne Nurlan Mirqasymuly Orazalındi Senat depýtattary retinde bekitti. Ortsaılaýkom tóraǵasy Qýandyq Turǵanqulov Qazaqstan Respýblıkasy Parlamenti Senatynyń jańadan tirkelgen depýtattaryna jeke kýálikteri men belgilengen úlgidegi omyraý belgilerin tapsyrdy.
Sondaı-aq, Ortalyq saılaý komıssııasy basshysy tıisti aýdandyq aýmaqtyq saılaý komıssııalarynyń sheshimderine sáıkes 28 tamyzda Pavlodar oblysynyń eki aýyldyq okrýginde jáne Mańǵystaý oblysynyń bir aýyldyq okrýginde ákimderdi qaıta saılaý ótkeni jaıynan habardar ete ketti. Aýdandyq saılaý komıssııalarynyń aldyn ala bergen málimetterinen qaıta saılaýǵa tańdaýshylar tolyq quramda qatysqany belgili bolyp otyr. Sonyń barysynda ákimdikke kandıdattardyń 4 senim bildirilgen adamy men buqaralyq aqparat quraldarynyń 2 ókili daýys berý barysyn baıqaýdy júzege asyrypty. Daýys sanaǵy nátıjesinde Pavlodar oblysy Ertis aýdanynyń Golýbovka aýyly ákimi bolyp 1957 jyly týǵan, osy aýylda ákim qyzmetin atqarǵan Serik Erkenuly Nurkın jeńiske jetken. Onyń kandıdatýrasyna depýtattardyń barlyǵy da óz daýystaryn beripti. Bul aýdanda 12 tańdaýshy bar ekendigin de aıta ketken jón. Pavlodar oblysy Ýspen aýdanynyń Qozyketken aýyldyq okrýginiń ákimi bolyp 1988 jyly týǵan, buǵan deıin «Ýspen aýdanynyń kásipkerlik jáne aýyl sharýashylyǵy bólimi» MM-niń bas mamany qyzmetin atqarǵan Tımýr Serikuly Janǵazınov saılanypty. Atalǵan úmitkerge 10 (90,9%) tańdaýshy óz daýysyn bergeni málim bolyp otyr. Al Mańǵystaý oblysy Mańǵystaý aýdanynyń Tushyqudyq aýyldyq okrýginiń ákimi bolyp 1985 jyly týǵan, buǵan deıin Jer qatynastary men kadastr bóliminiń bas mamany qyzmetin atqarǵan Azamat Qomshabaıuly Qoısarın saılanypty. Oǵan 12 (100%) tańdaýshy daýys bergeni anyqtalyp otyr.
OSK málimetterine qaraǵanda, elimizdiń aýdandyq mańyzy bar qalalarynyń, aýyldyq okrýgteriniń, aýyldyq okrýgtiń quramyna kirmeıtin kentteri men aýyldarynyń 2457 ákimin saılaýǵa jumsalǵan jalpy shyǵystar shamamen 370 mıllıon teńgeni qurapty.
Asqar TURAPBAIULY,
«Egemen Qazaqstan».
