Jalpy, respýblıkalyq «Mektepke jol» aksııasynyń aıasynda oblystyq balalar quqyqtaryn qorǵaý basqarmasynyń uıymdastyrýymen Aqtóbe qalasyndaǵy «Turan» meıramhanasynda kópbalaly jáne az qamtylǵan otbasylar balalaryna dastarqan jaıyldy.
Jalpy, respýblıkalyq «Mektepke jol» aksııasynyń aıasynda oblystyq balalar quqyqtaryn qorǵaý basqarmasynyń uıymdastyrýymen Aqtóbe qalasyndaǵy «Turan» meıramhanasynda kópbalaly jáne az qamtylǵan otbasylar balalaryna dastarqan jaıyldy.
Buǵan deıin «Patrısıı» meıramhanasynda ótken sharada 17 balaǵa kıim-keshek taratylsa, osy joly qala kásipkerleriniń jáne oblystyq basqarmalardyń, jastar uıymdarynyń qoldaýymen 30 balaǵa mektep kıimderi men oqýshy quraldary berildi. Oblys ákiminiń orynbasary Sara Nurqatovanyń arnaıy syılyǵy birinshi bolyp bıyl mektep tabaldyryǵyn attaıtyn Álisher esimdi búldirshinge tapsyryldy. Onyń ózinen basqa otbasynda alty baýyry bar eken. Oqýshyǵa qajetti zattardy syılyqqa alǵan apasy Anargúl ekeýiniń qýanyshy sheksiz. Balalarǵa syılyq jasaýǵa «Jas kúsh», «Jas qýat», «KVN odaǵy», «Jańa tolqyn», «Atameken» sııaqty jastar uıymdary úles qosqan.
Oblystyq balalar quqyqtaryn qorǵaý basqarmasynyń basshysy Kúlparshyn Aıdarhanovanyń aıtýynsha, munda alty jyl qatarynan osyndaı sharalar ótkizilip keledi eken. Bul joly balalardy «Turan» meıramhanasy jaıǵan dastarqanǵa shaqyrǵan. Osy sharaǵa 16 mekemeniń, jeke uıymdardyń jáne qaıyrymdylyq qorlary qoldaý kórsetipti. Mundaı ımandylyq sharasyna uıtqy bolýdy dástúrge aınaldyrǵan basqarma ujymy olardyń aksııaǵa atsalysyp, balalardy qýantqandaryna rızashylyqtaryn bildirdi. Basqarma atyna saı taǵy bir ıgi is tyndyryp, ata-analar men balalardyń alǵysyna bólendi.
Satybaldy SÁÝIRBAI,
«Egemen Qazaqstan».
Aqtóbe oblysy.
