Jalaýly jarystar

Boks. Jaqynda «Astana Arlans» klýbynyń Búkil álemdik boks serııasyndaǵy qarsylastary anyqtaldy. Bizdiń komanda WSB jańa maýsymynda toptyq kezeńde «Mexico Guereros», «Cuba Domadores», «Azerbaijan Baku Fires», «Russian Boxing Team» jáne «Hussars Poland» komandalarymen kezdesedi. Týrnırdiń tórtinshi maýsymy jańa erejeler boıynsha ótedi. Endi sportshylar bes salmaq emes, on salmaq dárejesinde synǵa túsedi.

Boks. Jaqynda «Astana Arlans» klýbynyń Búkil álemdik boks serııasyndaǵy qarsylastary anyqtaldy. Bizdiń komanda WSB jańa maýsymynda toptyq kezeńde «Mexico Guereros», «Cuba Domadores», «Azerbaijan Baku Fires», «Russian Boxing Team» jáne «Hussars Poland» komandalarymen kezdesedi. Týrnırdiń tórtinshi maýsymy jańa erejeler boıynsha ótedi. Endi sportshylar bes salmaq emes, on salmaq dárejesinde synǵa túsedi.

Bıyl jattyqtyrýshylar keńesi jańa maýsymda qurama sapynda bes legıonerdi alyp qalýdy josparlap otyr. Komandanyń bas dırektory Bolat Mankenovtiń aıtýynsha, Sergeı Derevıanchenko, Fılıpp Hrgovıch, Mıhaı Nıstor, Ehsan Rýzbahanı jáne Hrvoıe Sep komanda sapynda qalýǵa kelisimin berdi.

Fýtbol. Qazaqstan quramasy 2014 jylǵy álem chempıonatynyń irikteý sy­nyndaǵy kezekti oıyndaryna daıyndyqty bastady. Jaqynda koman­­­­danyń bas jat­­tyq­tyrýshysy Mıroslav Beranek Farer (6 qyrkúıek) jáne Shvesııa (10 qyrkúıek, Astana) quramasyna qarsy oınaıtyn fýtbolshylardyń tizimin jarııalady.

Qaqpashylar: Andreı Sıdelnıkov («Aqtóbe»), Aleksandr Mokın («Shahter»), Anton Sırın («Jetisý»), Samat Otarbaev («Ordabasy», Shymkent). Qorǵaýshylar: Qaırat Nurdáýletov («Astana»), Andreı Poryvaev («Shahter»), Iýrıı Logvınenko («Aqtóbe»), Alekseı Mýldarov («Aqtóbe»), Vıktor Dmıtrenko («Astana»), Mark Gýrman («Qaırat», Almaty), Aleksandr Kıs­lısyn («Qaırat», Almaty), Kons­tantın Engel («Energı», Kottbýs, Ger­manııa). Jartylaı qorǵaýshylar: Nur­bol Jumasqalıev («Tobyl», Qostanaı), Maqsat Baıjanov («Shahter»), Marat Haırýllın («Aqtóbe»), Valerıı Korobkın («Astana»), Dmıtrıı Shomko («Ertis», Pavlodar), Andreı Karpovıch («Ordabasy», Shymkent), Anatolıı Bogdanov («Tobyl», Qostanaı). Shabýylshylar: Tańat Nóser­­­­­ba­ev («Astana»), Andreı Fınonchenko («Shah­­ter»), Sergeı Hıjnıchenko («Shah­ter»), Sergeı Ostapenko («Astana»), Alek­­­seı Shetkın («Atyraý»), Igor Iýrın («Ertis»).

Hokkeı. Kókshetaýdyń «Arlan» hokkeı komandasy Qazaqstan Kýbogyn ıelendi. Fınalda kókshetaýlyqtar «Ertis-Pavlodar» komandasyn býllıtte jeńdi. Oıynnyń negizgi ýaqytynda esep 2:2 bolyp aıaqtaldy. Bul «Arlannyń» ekinshi kýbogy bolyp otyr.

Velosport. Ispanııada ótip jatqan «Výelta» kópkúndik jarysynda «Astana» komandasynyń ókili Vınchenso Nıbalı tórt kezeńniń qorytyndysy boıynsha ázir­ge birinshi orynda keledi. Onyń tórt kezeń­de jınaǵan ýaqyty – 14:15:30. Odan keıingi oryndardy Krıstofer Horner (SShA, «RadioShack Leopard») men Nıkolas Roch (Irlandııa, «Saxo-Tinkoff») ıelenip otyr.

Al kúni keshe aıaqtalǵan tórtinshi ke­zeń­di «Katıýsha» komandasynyń ókili, ıspan­dyq Danıel Moreno jeńip aldy. Ekin­shi oryndy Shveısarııa ókili Fabıan Kan­chellera («RadioShack»), úshinshi oryndy avstralııalyq Mıhael Mettıýs («Orica-GreenEdge») ıelendi.

«Egemen-aqparat».