Táýelsizdigimizdi alǵannan beri tarıh, til, din, dil máselesi erekshe ekpinmen kóterilip, halqymyzdyń ótken dáýiri ulttyq múdde turǵysynan jazyla bastaǵany belgili. Oǵan memlekettik deńgeıde qoldaý kórsetilip otyrǵandyǵy da málim. Biraq oqymystylar qandaı da bir maǵlumat taba qalsa dereý BAQ-ta jarııalaýǵa asyǵady. Sebebi, tapqan deregi arqyly óz atyn shyǵarý, sóıtip tanymal tulǵaǵa aınalý qumarlyǵy jeńeri haq. Endi elimizde aqıqattyń aýylyna aparatyn jol – tarıhnamany túbegeıli zertteý myqtap qolǵa alyndy.
Táýelsizdigimizdi alǵannan beri tarıh, til, din, dil máselesi erekshe ekpinmen kóterilip, halqymyzdyń ótken dáýiri ulttyq múdde turǵysynan jazyla bastaǵany belgili. Oǵan memlekettik deńgeıde qoldaý kórsetilip otyrǵandyǵy da málim. Biraq oqymystylar qandaı da bir maǵlumat taba qalsa dereý BAQ-ta jarııalaýǵa asyǵady. Sebebi, tapqan deregi arqyly óz atyn shyǵarý, sóıtip tanymal tulǵaǵa aınalý qumarlyǵy jeńeri haq. Endi elimizde aqıqattyń aýylyna aparatyn jol – tarıhnamany túbegeıli zertteý myqtap qolǵa alyndy. Ol degenimiz, óresizdiktiń joly kesilip, qoǵamnan ysyrylǵandyǵynyń bir dáleli. Máselen, aǵymdaǵy jyldyń 5 maýsymynda Astana qalasynda Memlekettik hatshy Marat Tájınniń basshylyǵymen máni de, mańyzy da zor Qazaqstan Respýblıkasynyń ulttyq tarıhyn zerdeleý jónindegi vedomstvoaralyq jumys tobynyń keńeıtilgen otyrysy ótti. Tarıh degen sózge qulaǵymyzdy túrip júretindikten biz Jetisý memlekettik ýnıversıteti gýmanıtarlyq fakýltetiniń ustazdary muqııat tyńdap, el gazeti «Egemen Qazaqstan» basylymynan oqyp razy boldyq. О́zara talqylap, aqıqattyń aq joly endi ashylatyndyǵyna kámil senip, pikir almasyp, jeke muraǵattarymyzdy aýdarystyryp, jaqsy dúnıege septigimizdi tıgizýge talpynyp ta júrgenimiz jasyryn emes. Shyny kerek, Táýelsiz Qazaqstan memleketiniń órkendeý strategııasyna sáıkes, ıaǵnı búgingi jahandaný kezeńi ulttyń tarıhı sanasyn qalyptastyrý jumysyn jalǵastyrýdy talap etýde. Osy turǵydan alǵanda memleket tarapynan arnaıy qoldaý kórsetilip otyrǵan ulttyq tarıhymyzdy zerdeleýge qatysty is-sharalar tarıhshylar men qoǵamdyq ǵylym ókilderin ǵana emes, óz tarıhyna jany ashıtyn, qyzyǵýshylyq tanytatyn barsha qaýymnyń zor ynta-yqylasyn týdyrdy. Sondyqtan, memlekettik deńgeıde kóterilip otyrǵan ulttyq tarıhty zerdeleýge qatysty is-sharany óz basym tikeleı qoldaımyn. I.Jansúgirov atyndaǵy Jetisý memlekettik ýnıversıteti, gýmanıtarlyq fakýlteti, tarıh kafedrasy osydan 41 jyl buryn ashylǵanymen «Tarıh» ataýymen qurylǵan kafedra óz tarıhyn 1991 jyldan bastaıdy. Qazirgi kezde kafedra «Tarıh» mamandyǵy boıynsha bakalavrıat jáne magıstratýra mamandaryn daıarlaıdy.
Zerdeleı bilgen jan Jetisý ólkesiniń tarıhy tym tereńde jatqanyn uǵynady. Búginde kezeń-kezeńimen eskertkish taqtalaryn ilip, oǵan ár qundylyq jaıly maǵlumattardy molynan, eń bastysy, memlekettik deńgeıde jan-jaqty naqtylanǵan jazbalardy ilip qoıý qolǵa alynǵany bizdiń tarıhshylardyń júrekterinen jyly oryn aldy. Sóz reti kelgende aıta ketsem, elimiz egemendigin tórtkúl dúnıege pash etip, etek-jeńimizdi jınaǵan jyldardan bastap tarıhymyzdyń óz deńgeıinde jazylmaǵandyǵyn tıisti oryndarda janaıqaımen san ret aıtqan da edik. Keıingi býynǵa, myna bizder, aǵa býyn ókili tarıhymyzdy tanytýda jankeshti eńbek etýimiz kerek. Ol perzenttik paryzymyz dep sanaımyn.
Amangeldi TО́LEMISOV,
JMÝ gýmanıtarlyq fakýltetiniń dekany,
tarıh ǵylymdarynyń kandıdaty, dosent.
