Keshe muǵalimder qashyqtan oqytýǵa daıyndyq jumystaryn pysyqtaý maqsatynda synaq-sabaqtar ótkizgen bolatyn. Búgin elimizdegi barlyq mektepter ata-analar jınalysyn ótkizip jatyr.
– Ata-analar jınalysynda qashyqtan oqytýdyń qalaı júzege asyrylatyny, qandaı qıyndyqtardyń bar ekeni jáne sheshý joldary talqylanyp, túsindirilýi tıis. Erteń barlyq qazaqstandyq balalar úshin qashyqtan bilim alýdyń qalaı bolatyny jóninde synyp saǵaty ótedi. Synyp saǵattarynda oqýshylarǵa ózderiniń jumys, sabaq kestesi boıynsha túsindirý jumystary, muǵalimderimen qaı ýaqytta keri baılanysqa shyǵatyny, tapsyrmalardy qalaı jiberip otyratyny jan-jaqty pysyqtalý qajet, – dedi Sh.Karınova
