Qalalyq Taýarlar men qyzmetterdiń sapasy men qaýipsizdigin baqylaý departamentiniń basshysy Aızat Moldaqasymovanyń aıtýynsha, jaqynda Almatyda taǵy 3 zerthana koronavırýs ınfeksııalaryn anyqtaýǵa kóshedi.
«Bizde buǵan deıin 3 zerthana jumys istegen bolsa, buǵan aldaǵy kúnderi taǵy 3 zerthana qosylady. Olardyń biri Koreıa men Qazaqstannyń birigip ashqan jekemenshik zerthanasy. Bul uıymnyń arnaıy ruqsat qujattary bar. Sondaı-aq, «Olımp» klınıkalyq dıagnostıkalyq zerthanasynyń da arnaıy ruqsaty bar. Sosyn SPID ortalyqtyń laboratorııasy qosylatyn boldy», - dedi onlaın brıfıng barysynda departament basshysy Aızat Moldaqasymova.
Onyń aıtýynsha, «Olımp» KDZ birneshe kúnnen soń jumysqa kirisedi. Al Koreıa-qazaqstandyq kompanııa jumys istep jatyr. JITS ortalyq jumys materıaldaryn jetkizý boıynsha kelisim shart júrgizip jatyr. Shaharda sońǵy táýlikte qaýipti indet juqtyrǵan bir ǵana naýqas anyqtalǵan.
