Biraq eki el arasyndaǵy bul kelisim ázirge ýaqyttyq sıpatta, eń bastysy jurttyń berekesin alǵan koronavırýsty tizgindeýge qolaıly, dedi halyqaralyq beıbitshilik uıymynyń ókili polkovnık Túrkı ál-Máıkı.
Iran eliniń qoldaýymen qurylǵan Saýdııa jáne Arab Ámirliginiń birikken qarýly kúshi Iemendegi Hut búlikshilerin talqandaý úshin júrgizilgen bul soǵys beıbit turǵyndardyń orasan zor zardap shegýine soqtyryp, ásirese ıemendikterdi ashyq pen dert jaılaı bastaǵany halyqaralyq uıymdardyń ara túsýine ákeldi.
BUU-nyń erekshe elshisi Martın Grıffıts: «Saýd Arabııasy soǵysty toqtatý týraly usynysqa túsinistikpen qarap, bedeldi uıymnyń tilegin jerge tastamaǵanyna rahmet aıtamyz» dese, Hut kóterilisshileriniń ókili Mýhammed Abdel Salam da beıbitshilik bizge de aýdaı qajet degendi málimdep, aldaǵy ýaqytty soǵys otyn óshirip, tynyshtyq saqtaýdy qup kóretinin jetkizipti.
