Aımaqtar • 20 Sáýir, 2020

Aqtaýda karantınge jabylǵan eki úıdiń kireberis esigi ashyldy

210 ret

kórsetildi

1 mın

oqý úshin

Mańǵystaý oblysynyń ortalyǵynda buǵan deıin 11 shaǵynaýdan 10 úı jáne 14 shaǵynaýdan 38 úı mekenjaılary boıynsha eki úıdiń podezi syrtynan bekitilgen bolatyn. Olarda turatyn keıbir turǵyndar vırýstyq ınfeksııa juqtyrýy sebepti stasıonarǵa jiberildi. Aqtaý qalalyq taýarlar men kórsetiletin qyzmetterdiń sapasy jáne qaýipsizdigin baqylaý basqarmasynyń basshysy Asıma Jarylǵasova aımaqtyq Mańǵystaý oblysynyń qoǵamdyq kommýnıkasııa ortalyǵynda onlaın formatynda ótken arnaıy brıfıngte qazirgi ahýaldy baıandap berdi.

Gúlaıym DÁÝITBAI

Aqtaýda karantınge jabylǵan eki úıdiń kireberis esigi ashyldy

- 11 shaǵyn aýdandaǵy 10 úıdiń úshinshi podezi karantın merzimi aıaqtalýyna sáıkes ashyldy. Munda turatyn adamdar tótenshe jaǵdaı tártibi boıynsha qala ishinde ózdigimen qozǵala alady. Bul meken-jaı jabylǵaly beri eshkim dert juqtyrǵan joq. Oqshaýlaýdyń basty artyqshylyǵy da osynda. Álgi podezdiń 1-5 qabatyna deıin sanıtarlyq tazalaý jasaldy. Vırýs juqtyrǵan adamdardyń páterleri zalalsyzdandyryldy. Jalpy bul úıden bastap 10 metrge deıin jer aýmaǵy tolyq dızenfeksııalandy, - dedi ol.

Sondaı-aq búgin 14 shaǵyn aýdandaǵy 38 úıdiń podezi de karantınnen ashyldy. Qazirgi ýaqytta oblys aýmaǵynda 370 adam dárigerlerdiń baqylaýynda. On azamat óńirlik juqpaly aýrýlar aýrýhanasynda stasıonarda em qabyldap jatyr. Ekeýi saýyǵy sebepti úılerine jiberilgen.

Al provızorlyq gospıtalda 52 adam jatyr. Observasııalyq orynda 61 turǵyn jatyr. Taǵy 247 adam úı karantınine alynǵan.