Tótenshe jaǵdaıdy qamtamasyz etý jónindegi óńirlik jedel shtabtyń málimetine súıensek, 16 sáýirden beri Teńiz kenishin 2868 jumysshy tastap shyǵarylǵan. Olardyń 1619-y – Atyraý oblysynyń turǵyndary. Qazirgi tańda Batys Qazaqstan oblysyna – 283, Túrkistan oblysyna – 241, Qyzylorda oblysyna – 166, Jambyl oblysyna – 103, Aqtóbe oblysyna 455 adam jetkizgen.
–Teńiz kenishi aýmaǵynan shyǵarylar aldynda barlyq jumysshy COVID-19 ınfeksııasyna mindetti testti tapsyrdy. «Teńizshevroıl» kompanııasy jumysshylardyń turǵylyqty meken-jaıyna jetkenge deıingi barlyq jol shyǵynyn óz esebinen tóleıdi. Jumysshylardy shyǵarýǵa avtobýs, áýe jáne temir jol kólikteri qoldanylýda, - dedi óńirlik jedel shtabtan.
Al, TShO kompanııasy basshylarynyń aıtýynsha, Teńiz kenishinen tikeleı óndiriske qatysy joq personaldar shyǵarylýda. Kompanııanyń óndiristik qyzmeti shtattyq rejımde jalǵasyp jatyr.
