18:30
Nemis vaksınasy klınıkalyq synaqtan ótýge daıyn
Germanııanyń federaldyq vaksınalar ınstıtýty COVID-19 vırýsynyń vaksınasyn klınıkalyq synaqtan ótkizýge ruqsat berilgenin málimdedi.
Zertteý barysynda 18-den 55 jasqa deıingi 200 saý qatysýshy nemis BioNTech bıotehnologııalyq kompanııasy ázirlegen vaksınanyń birneshe nusqasyn alady. Al ǵalymdar ekpelerdiń vırýsqa qarsy ımmýnıtet qalyptastyrýda tıimdiligin zertteıdi.
Qazir álemde 86 top COVID-19 vaksınasyn ázirlep jatyr. Osyǵan deıin Ulybrıtanııa, Qytaı jáne AQSh vaksınalary klınıkalyq synaqqa kirisken.
15:35
Avstralııa shekarasy taǵy tórt aıǵa halyqaralyq saparlar úshin jabyq bolady
Shet elden qaıtyp kelgen osy eldiń azamattaryna ǵana kirýge ruqsat etiledi.
«Halyqaralyq ahýalǵa qarasaq, qazirgi ýaqytta shekaradaǵy kez kelgen shekteý sharalaryn báseńdetý úlken qaýip týdyrýy múmkin. Men Qaýipsizdik jónindegi ulttyq komıtetke avstralııalyqtardyń elden shyǵýyna salynǵan qatań tyıym merzimin uzartýdy jáne el aýmaǵyna shetelden oralǵan azamattarymyzǵa ǵana kirýge ruqsat berýdi usyndym» dep habarlady osy eldiń bas sanıtarlyq dárigeri Brendan Merfı.
Avstralııada barlyǵy 6 659 adam COVID-19 juqtyrǵan. Epıdemııa bastalǵaly barlyǵy 4 671 adam saýyǵyp, 75 naýqas qaıtys bolǵan.
О́tken táýlikte Avstralııada taǵy 12 adamnyń vırýs juqtyrǵany anyqtaldy, bul 9 naýryzdan bastap belgilengen eń tómengi kórsetkish boldy.
11:25
Ýkraına karantındi 11 mamyrǵa deıin uzartty
Ýkraınanyń mınıstrler kabıneti eldegi karantın rejımin 11 mamyrǵa deıin uzartý týraly sheshim qabyldady.
Eldiń ulttyq ǵylym akademııasynyń esebi boıynsha vırýs juqtyrǵandardyń eń kóp sany 3-8 mamyr aralyǵynda tirkeletin kórinedi.
Degenmen karantın jaǵdaıynda keıbir mekemelerdiń jumysyn jalǵastyrýyna ruqsat beriledi.
Ýkraınanyń premer-mınıstri Denıs Shmygal 11 mamyrǵa deıin test sanyn kóbeıtip, aýrýhanalardy tolyq jabdyqtaý kerek ekenin aıtty. Odan bólek ol jaǵdaı turaqtasa saıabaqtar, skverler men keıbir saýda oryndaryn qaıta ashýdy qarastyrýǵa bolatynyn jetkizdi.
10:47
Qytaıda naýqastardyń 93%-dan astamy aıyqqan
Qazirgi ýaqytta bul elde syrttan kelgen jáne jergilikti jerde koronavırýs ınfeksııasyn juqtyrǵandardyń sany kún saıyn azaıyp keledi. Sońǵy málimetterge sáıkes, Qytaıda barlyǵy 82 798 adam koronavırýs juqtyrǵan, onyń 77 207-si emdelip aýrýhanadan shyǵarylǵan, bul - syrqattanǵandardyń jalpy sanynyń 93,2%-y. Aýrýhanalarda shamamen 1 myń emdelýshi qalǵan.
QHR Densaýlyq saqtaý máseleleri jónindegi memlekettik komıtetiniń málimetteri boıynsha, koronavırýs ınfeksııasyn juqtyrǵandardyń 93,2%-y saýyǵyp, 5,59%-y qaıtys bolǵan.
10:03
Koronavırýs ınsýlt pen epılepsııa týdyrýy múmkin
Nemis ǵalymy, Nıýrnberg klınıkasyndaǵy nevrologııalyq ortalyqtyń meńgerýshisi Frank Erbgýt COVID-19-dyń saldarynan týyndaıtyn nevrologııalyq aýrýlardy atap ótti. Professor aýyr halde jatqan naýqastarda aýrýdyń asqyný belgileri retinde ınsýlt, mı qabyǵynyń qabynýy, bas aınalýy jáne tipti epılepsııa paıda bolýy múmkin ekenin aıtady. Vırýs aǵzanyń óz júıke jasýshalaryna keri shabýyldaıtyn ózdiginen joıǵysh aýtoımmýndyq prosesti iske qosady.
Frank Erbgýt nevrologııalyq asqynýlar Qytaıdyń Ýhan qalasyndaǵy emdelýshilerdiń 36,4 paıyzynda baıqalǵanyn atap ótti. Degenmen maman mundaı asqyný belgileri kópshilikte baıqalmaıtynyn eskertti. Bul belgilerdi vırýstyń sımptomy dep sanamaı, asqynǵan jaǵdaı dep qaraǵan jón.
Dúnıejúzinde 2 627 630 adam koronavırýs juqtyrdy.
183 336 adam qaıtys boldy.
711 144 naýqas qulan-taza aıyqty.
AQSh-ta 841 556 jaǵdaı tirkeldi, 78 474 adam saýyǵyp shyqty, 46 769 adam qaıtys boldy.
Ispanııada 208 389 jaǵdaı tirkeldi, 85 915 adam saýyǵyp shyqty, 21 717 adam qaıtys boldy.
Italııada 187 327 jaǵdaı tirkeldi, 54 543 adam saýyǵyp shyqty, 25 085 adam qaıtys boldy.
Fransııada 157 135 jaǵdaı tirkeldi, 41 331 adam saýyǵyp shyqty, 21 373 adam qaıtys boldy.
Germanııada 150 648 jaǵdaı tirkeldi, 99 400 adam saýyǵyp shyqty, 5 315 adam qaıtys boldy.
