Mundaı sharalar Qazaqstan Respýblıkasy Úkimetiniń «Ekonomıkany turaqtandyrý jónindegi odan arǵy sharalar týraly» 2020 jylǵy 20 sáýirdegi № 224 qaýlysymen kózdelgen. Jeke aýrýhana uıymdarynyń, shıpajaı -kýrorttyq uıymdardyń qyzmetin júzege asyratyn jeke dárigerlik praktıka men stomatologııa salasyndaǵy shaǵyn, kishi nemese orta kásipkerlik sýbektileri úshin mólsherlemelerge «0» túzetý koeffısıenti belgilendi.
Iаǵnı, tólem kózinen ustalatyn jeke tabys salyǵynan, áleýmettik salyqtan, mindetti zeınetaqy jarnalarynan, mindetti kásiptik zeınetaqy jarnalarynan, áleýmettik aýdarymdardan, mindetti áleýmettik medısınalyq saqtandyrýǵa jarnalar men aýdarymdardan salyqtan bosatylady.
Salyqtyq bosatýlar tólem kezeńi 2020 jylǵy 1 sáýirden bastap 1 qazanǵa deıin bolatyn mindettemeler boıynsha qoldanylady.
Uıymnyń menshik nysanyna qaramastan, barlyq medısınalyq qyzmetkerler úshin sondaı-aq, joǵaryda kórsetilgen salyqtardan (JTS, áleýmettik salyq) jáne áleýmettik tólemderden, Densaýlyq saqtaý mınıstriniń 2020 jylǵy 4 sáýirdegi № 28/2020 (QR ÚQ 4t.) buıryǵyna sáıkes 2020 jylǵy 1 naýryzdan bastap tólenetin epıdemııaǵa qarsy is-sharalarǵa qatysatyn qyzmetkerlerge ústemeaqydan (MZJ, MKZJ, ÁA, MÁMS-ǵa aýdarymdar) bosatý sharalary kózdelgen.
Eldegi tótenshe jaǵdaıǵa baılanysty «Birgemiz» qoǵamdyq qory tarapynan halyqtyń az qorǵalǵan áleýmettik kómekke asa muqtaj tobyna kómek kórsetilýde. «Birgemiz» qoǵamdyq qorynan jeke tulǵalardyń jekelegen sanatyna áleýmettik kómek retinde kórsetken 647 AEK shegindegi qaıyrymdylyq kómegi tólem kózinen jeke tabys salyǵynan ustalmaıdy
