Shilde aıynyń bel ortasynda 31 jasqa tolǵaly otyrǵan oıynshy ózi men jubaıy Emma Rıs-Djonstyń atynan Ýelstiń Ulttyq densaýlyq saqtaý qyzmetiniń esepshotyna 500 000 fýnt kóleminde qarjy aýdardy. Odan bólek, aıtýly otbasy Madrıd qalasyndaǵy aýrýhanalarǵa 440 000 fýnt bóldi. Bul qarajattyń barlyǵy da koronavırýsqa qarsy kúreske jumsalady.
Chempıondar lıgasynda tórt ret jeńimpaz atanyp, 2016 jyly Eýropa birinshiliginiń jartylaı fınalynda óner kórsetken Garet Beıl mektep jasyndaǵy mahabbaty Emma Rıs-Djonske úılendi. Qazirgi kezde olar úsh bala tárbıelep otyr.
