Úzdikter kóshin – Konor MakGregor bastap tur. 31 jastaǵy Irlanııanyń ókili 2008 jyldyń kóteminde alǵashqy jekpe-jegin ótkizdi. Sol kezden beri 26 ret oktagonǵa shyǵyp, 22 márte jeńiske jetti. 20 qarsylasyn aıqyn basymdyqpen utty. 2013 jyldan beri ol UFC-de kúsh synasýda. Birneshe ret chempıondyq ataqqa da qol jetkizdi. Sol jekpe-jekteriniń arqasynda 12 mıllıon AQSh dollary kóleminde tabys tapqan eken.
Jalpy MakGregordyń tabysy osymen ǵana shektelmeıdi. 2017 jyldyń 26 tamyzynda onyń kásipqoı bokstyń erejesi boıynsha ataǵy jer jarǵan Floıd Meıvezermen judyryqtasqanyn jaqsy bilesizder. Sol kezdesýde jeńilgenine qaramastan ırlandııalyq sportshy 30 mıllıon dollarǵa ıelik etken edi.
UFC tarıhynda eń kóp tabys tapqan sportshylardyń tiziminde Konor MakGregor kósh bastasa, ekinshi jáne oryndardy Alıstar Overım men Habıb Nurmagomedov ıelenýde. Nıderlandtyń alyby 8,7 mıllıon, al Daǵystannyń darabozy 7 mıllıon dollardy enshiledi.
