Parlament Senatynyń Qarjy jáne bıýdjet jónindegi komıtetiniń músheleri Qazaqstan Respýblıkasy Ulttyq bankinde bolyp, ekinshi deńgeıli bankterdiń nesıelik sapasyn arttyrý týraly kóshpeli otyrys ótkizdi.
Kóshpeli otyrys kókjıegi
MAQSAT – NESIE SAPASYN ARTTYRÝ
Parlament Senatynyń Qarjy jáne bıýdjet jónindegi komıtetiniń músheleri Qazaqstan Respýblıkasy Ulttyq bankinde bolyp, ekinshi deńgeıli bankterdiń nesıelik sapasyn arttyrý týraly kóshpeli otyrys ótkizdi.
Senat depýtattary arnaıy kelip Ulttyq bank, «Problemalyq kredıtter qory» jáne ekinshi deńgeıli bankterdiń basshylary qatysqan bul sharada ekinshi deńgeıli bankterdiń kredıttik portfeliniń sapasymen qatar, problemalyq nesıelerden týyndaıtyn máselelerdi sheshý joldary keńinen talqylandy.
Senattyń salalyq komıtetiniń tóraǵasy Rashıt Ahmetov talqyǵa túsip otyrǵan taqyryptyń «Qazaqstan-2050» Strategııasy men besinshi shaqyrylǵan Parlamenttiń úshinshi sessııasyn asharda Memleket basshysy alǵa qoıǵan mindetter turǵysynan mańyzdy ekendigine toqtalyp ótti.
«Aqsha-nesıe saıasatyn jetildirý, ekonomıkanyń naqty sektorlaryn nesıe resýrstarymen qamtamasyz etý – memlekettik saıasattyń basymdyqtarynyń biri», dep atap ótken depýtat R.Ahmetov «qarjy júıesine baqylaýdy kúsheıtý – ótkir máseleleri bar nesıelerden bankterdi «tazalaý» jáne «qorlandyrý» salasyn damytý ekendigin» de basa aıtty.
Kóshpeli otyrys barysynda depýtattar «Kassalyq operasııalar jáne qundylyqtardy saqtaý ortalyǵynda» bolyp, onyń qyzmetimen tanysty. Sondaı-aq, halyq qalaýlylary «Qazaqstannyń bankaralyq esep aıyrysý ortalyǵy» AQ-ta bolyp, elimizdiń tólem júıesimen tanysty, halyqaralyq aqsha aýdarý jáne bankaralyq klırıng júıesi, banktik habarlamalar almasý júıesi jóninde tolyq maǵlumat aldy.
Ulttyq bank ǵımaratynda ótken plenarlyq otyrys barysynda depýtattarǵa ekinshi deńgeıli bankterdiń kredıttik portfeli boıynsha aǵymdaǵy jyldyń ahýaly men «Problemalyq kredıtter qory» AQ-tyń atqaryp otyrǵan qyzmeti jáne problemalyq nesıelerdiń máselesin sheshý joldary týraly aqparattar talqyǵa salyndy.
Sonymen qatar, kóshpeli otyrysta Ulttyq banktiń mindetteri men atqaratyn fýnksııalary pysyqtalyp, Qazaqstannyń daǵdarystan keıingi kezeńdegi makroekonomıkalyq damý máseleleri, qarjy sektorynyń jaı-kúıi men qarjylyq retteý, aqsha-nesıe saıasatynyń erekshelikteri men áleýmettik qamsyzdandyrý máseleleri, salyq-bıýdjet saıasatynyń ózara is-áreketteri jóninde jáne Birtutas ekonomıkalyq keńistiktegi (BEK) yqpaldasý máseleleri qaraldy.
Qanat ESKENDIR,
«Egemen Qazaqstan».
ALMATY.
___________________
KÁSIPKERLIK – EL EKONOMIKASYNA DEMEÝ
Qazaqstan Respýblıkasy Parlamenti Senaty Ekonomıkalyq damý jáne kásipkerlik komıtetiniń Qaraǵandy oblysyndaǵy kóshpeli otyrysynda depýtattar otandyq óndiristi damytýdy jáne kásipkerlikti qoldaýdy zańnamalyq turǵyda qamtamasyz etý máseleleri talqylandy.
Sharaǵa Qaraǵandy oblysynyń ákimi Baýyrjan Ábdishev, О́ńirlik damý mınıstrliginiń, oblystyq máslıhattyń, «Atameken» odaǵy» kásipkerlerdiń ulttyq ekonomıkalyq palatasynyń, «Damý» kásipkerlikti damytý qory» AQ-tyń ókilderi qatysty.
Senattyń salalyq komıtetiniń tóraǵasy Talǵatbek Abaıdildın «Qazaqstan-2050» Strategııasynda» Memleket basshysy 2030 jylǵa deıin el ekonomıkasyndaǵy shaǵyn jáne orta bıznes kórsetkishterin eki ese ulǵaıtý mindetin qoıǵanyn eske saldy. Osyǵan baılanysty ol elimizdiń ındýstrııalyq ortalyǵy atanǵan Qaraǵandy oblysynda otyrys ótkizilýi de erekshe mańyzdy ekenin atap ótti.
Onyń aıtýynsha, Qaraǵandy oblysynda «Bıznestiń jol kartasy-2020» baǵdarlamasy aıasynda Qaraǵandy oblysynda shaǵyn jáne orta bıznes belsendi damyp keledi. Iri kásiporyndardyń tóńireginde shaǵyn óndirister jelisi qurylýda. Alyp ónerkásipter olarǵa qarjylandyrý men ozyq tehnologııany engizýge kómektesýde. «Bıznestiń jol kartasy-2020» baǵdarlamasy kásipkerlerdiń ekonomıkalyq paıdalary men memlekettiń mańyzdy áleýmettik máseleleri, atap aıtqanda elimizdiń azamattaryn jańa jumys oryndarymen qamtamasyz etý arasynda ońtaıly tepe-teńdigin qalyptastyrady», – dedi depýtat.
Oblys ákimi Baýyrjan Ábdishev óz kezeginde senatorla rǵa aımaqtyń áleýmettik-ekonomıkalyq damýy, memlekettik baǵdarlamalardy iske asyrý jáne ónerkásip óndirisi men aýyl sharýashylyǵynyń ósý kórsetkishteri týraly áńgimeledi. Qazaqstandaǵy kásipkerliktiń damýynyń satylaryn zańnamalyq turǵyda qamtamasyz etý týraly Ekonomıkalyq damý jáne kásipkerlik komıtetiniń hatshysy Sársenbaı Eńsegenov jan-jaqty baıandama jasady.
Shara barysynda, sonymen qatar, Parlament Senaty janyndaǵy Jergilikti ókildi organdarmen (máslıhattarmen) ózara is-qımyl jónindegi keńestiń de otyrysy ótti.
Shaǵyn qalalardy damytýdaǵy máslıhattardyń róli týraly oblystyq máslıhattyń hatshysy Nurlan Dýlatbekov sóz sóıledi.
Sapar barysynda senatorlar sondaı-aq Temirtaý qalasyndaǵy áleýmettik sala nysandary men naqty sektordyń kásiporyndarynda bolyp, Osakarov aýdanyndaǵy egin orý barysymen tanysty.
Aıqyn NESIPBAI,
«Egemen Qazaqstan».
Qaraǵandy oblysy.
__________________
Parlamentshi paıymy
3-SESSIIа: MINDETTER MEN MEJELER
Jaqynda Prezıdent elimizdiń joǵary zań shyǵarý organynyń joǵary palatasyna bir top depýtatty taǵaıyndaǵan bolatyn. Olar Senatta turaqty komıtetterge saılanyp, jumystaryna kirisip te ketti. Solardyń birqatary aldaǵy josparlarymen bólisedi.
Nurlan ORAZALIN,
Senat depýtaty:
– Memleket basshysy N.Á.Nazarbaev Parlament sessııasyn ashardaǵy sózinde bes baǵyt boıynsha mindetter júktedi. Elbasy Parlament minberinen sóılegen sózinde jýyq arada jáne bolashaqta atqarylatyn jumystardy dástúrli túrde tapsyrma, usynystar men mindetter retinde aıtyp otyrýy ómirimizdiń saltyna aınalyp bara jatyr. Bul óte durys. Zań aıasynda búkil ómirimiz alǵa jyljyp keledi. Jahandaný jaǵdaıynyń eń bir qaýpi men qateri kóp kezeńge tap kelip otyrmyz. Sonyń bir qıyn tusy qarjy tapshylyǵy men joqshylyq álemdi býyp barady. Qazaqstannyń da odan shet qala almaıtyny túsinikti. Biraq Qazaqstannyń shúkirshilik aıtatyny, ol – Elbasynyń durys saıasaty men ishki yntymaq-birligimizdiń arqasy.
Prezıdenttiń kásipkerlik kodeksin qabyldaý kerektigi jónindegi sózi kóńilime unady. Qalaı degenmen de ishki ál-aýqatymyzdy kóterip, syrtqy saıasatymyzdy júrgizýimiz úshin de bizge qarjy kerek. Al qarjyny jasaıtyn tek memlekettik kásiporyndar ǵana emes qoı. Shyn maǵynasynda qarjyny jasaıtyndar kásipkerler. Kásipkerlikti damytý jáne onyń erkin qımyldaýy úshin zańdyq qoldaý qajettigi jóninde usynys jasalýy óte oryndy. Jazýshy retinde, azamat retinde, osy eldiń taǵdyryna beıtarap qaraı almaıtyn qoǵamnyń bir múshesi retinde meniń kókeıime osy másele qondy.
Meniń salam negizinen mádenıet, áleýmet bolǵandyqtan, mádenıet týraly zań neshe dúrkin ózgerister men pikir qaıshylyǵyna da tústi. El ishinde júrgen kezde osy zań áli de ýaqyt talabyna saı súzgiden ótýi qajet degen usynys jıi aıtylady. Meniń oıymsha, onyń eshqandaı ábestigi joq. Osy oraıda Konstıtýsııamyzdy betaldy ózgerte berýge bolmaıdy degendi aıtqym keledi. Bizdiń baǵytymyzdyń barlyǵy tujyrymdamalyq turǵydan anyqtalǵan.
О́mir bolǵannan keıin jahandaný týdyrǵan qıyndyqtarǵa qarsy turý úshin biz rýhymyzdy jer etpeıtindeı, bilimimizdi odan ary ushtaı túsýimiz qajet. Memlekettik tilge sheksiz bılik berilýi kerek. Al berilgeniniń ózin durys paıdalana almaı kelemiz. Kóp jaǵdaıda resmı tildi alǵa shyǵaryp alyp júrmiz. Sondyqtan Konstıtýsııaǵa ózgerister engizbeı-aq, zańdyq aktiler arqyly memlekettik tildiń qoldanys aıasyn keńeıtýge múmkindik bar.
Sergeı GROMOV,
Senat depýtaty:
– El Prezıdenti alǵa qoıǵan mindetterdi barshamyz, tipti depýtattar zańnamalyq bastamalar arqyly qoldaý bildire otyryp, júzege asyrýymyz kerek. Ásirese, Úkimet bul jerde erekshe belsendilik tanytýy tıis. Prezıdent múmkindigimizge qaraı ómir súrý qajettigin jıi qaıtalap júr. О́kinishke qaraı, keıbireýler barlyǵy da búgin bola qalsa dep oılaıdy. Olaı bolýy da múmkin emes qoı, oǵan belgili bir ýaqyt qajet. Jaqsy joldardyń salynýy, jalaqynyń joǵary bolýy, zeınetaqyǵa qosymsha qarjy qosý degen sııaqty talaptar qoıýdyń artynda negiz bolǵany jón.
Tipti órkenıetti sanalatyn Eýropa elderiniń ózi daǵdarystan endi ǵana aıyǵa bastady. Sonyń bederinde Elbasy saıasatynyń arqasynda
