Ýaqyt jyldam. Jyl bel ortadan asty. Mejeli is-maqsat baǵamdalar kez jaqyn. Osyndaıda jaǵdaı barysy qalaı eken degen oı kimde-kimniń kókeıin tesýi anyq. Soǵan oraı el ekonomıkasynyń tiregi sanalatyn Qaraǵandy aımaǵynyń damý úderisine zer salynsa, táýir ózgerister, jaǵymdy jańalyqtar aldymen kózge kórineri kóńil ósirerlik deýge bolady. Ásirese, alys-jaqyn aınaladaǵy keıbir kedergilerge qaramastan, ilgerileýdiń irkiler emestigi qýantady jurtty.
Ýaqyt jyldam. Jyl bel ortadan asty. Mejeli is-maqsat baǵamdalar kez jaqyn. Osyndaıda jaǵdaı barysy qalaı eken degen oı kimde-kimniń kókeıin tesýi anyq. Soǵan oraı el ekonomıkasynyń tiregi sanalatyn Qaraǵandy aımaǵynyń damý úderisine zer salynsa, táýir ózgerister, jaǵymdy jańalyqtar aldymen kózge kórineri kóńil ósirerlik deýge bolady. Ásirese, alys-jaqyn aınaladaǵy keıbir kedergilerge qaramastan, ilgerileýdiń irkiler emestigi qýantady jurtty.
BuǵanóńirbasshysyBaýyrjanÁbdishevoblystyqmáslıhatdepýtattarynabergenesebindekópderekterkeltirdi. Túıindilerin saralap kórelik. О́tken 7 aıda jergilikti ekonomıkanyń ósimi byltyrǵy deńgeıden aýyz toltyryp aıtarlyqtaı joǵarylaǵan. Mysal úshin basty makroekonomıkalyq kórsetkishter sony aıǵaqtaıdy. Sonyń ishinde ónerkásiptik óndiris kólemi 1,5 ese, negizgi kapıtalǵa ınvestısııa tartý 12,5, syrtqy saýda aınalymy 3,6 paıyzǵa ulǵaıypty.
Aımaqtaǵy «Arselor Mıttal Temirtaý», «Qazaqmys» tárizdi iri kompanııalar jumysyndaǵy qıyndyqtardyń jalpy jaǵdaıǵa áserin tómendetýge arnalǵan sharalardyń biri, ishki rezervterdi barynsha paıdalaný damý yrǵaǵyn saqtata alǵan. Bul rette Údemeli ındýstrııalyq-ınnovasııalyq damý baǵdarlamasy boıynsha iske asyrylýdaǵy jobalar umtylysqa serpin berse, onyń 11-i bıyl qatarǵa qosylǵaly otyr. Sonymen birge, byltyr qurylǵan «Saryarqa» arnaıy ekonomıkalyq aımaǵynyń kúnnen-kúnge kúsh alýy ózgeristerdi órletip keledi. Qazir munda otandyq jáne sheteldik 12 kompanııa taıaý arada 3 jańa óndiriske jol ashady. Reseı, Belarýs, Qytaı, Slovakııa jáne Germanııanyń belgili kompanııalarymen birlesken kásiporyndardyń jumys aýqymy keńeıýi de qadamdy qaryshtata túsýde. «QazBelAZ» jáne «GeoMash» JShS kenishterden qyr betine ken tasymaldaıtyn ózdiginen qotarǵysh aýyr salmaqty kólikter men osyndaı tehnıkalar úshin servıstik ortalyq ashyp, óndiristi ártaraptandyrýǵa bet burǵyzýy tárizdi qubylystar az emes. Ishki óńiraralyq kooperasııa aıasynda Almaty, Shyǵys Qazaqstan, Pavlodar oblystarynyń irgeli kásiporyndarymen jasalǵan 16 kelisimshart boıynsha atqarylatyn jumystar aımaq damýyna sony serpilis týǵyzyp jatyr.
Osy tusta ólke turǵyndary, ásirese, jezqazǵandyqtar Jezqazǵan, Sátbaev qalalarynyń jáne Ulytaý aýdanynyń áleýmettik-ekonomıkalyq damýdyń keshendi josparyna sáıkes ósip-órkendeýge jarqyn jol túzeýine úlken úmit artyp otyrýyn aıta ketpeske bolmaıdy. Úkimet bul maqsattaǵy sharalardy 38-den 111-ge deıin kóbeıtip, qarjylandyrýdy 128 mlrd. teńgeden 446 mlrd. teńgege eseleýi atalǵan óńir keleshegine qamqorlyqtyń qandaılyq ekenin kórsetedi. Soǵan oraı is basy jaqsy. Ekonomıkasy negizinen mys óndirisine tikeleı baılanysty aımaqtyń mıneraldyq-shıkizattyq resýrstaryn keńeıtý, ken kózderin zertteý qyzý qolǵa alyndy.
Halyq qalaýlylaryna baıan etilgendeı sondaı-aq, qurylys ındýstrııasy, aýyl sharýashylyǵy salasyndaǵy ilgerileý úderisi irkiler emestigi jyl máresiniń sátti bolýyna úmit úlkeıtedi.
BELSENDILIKTIŃ BEL ORTASYNDA
Sońǵy jyldarda oblysta úkimettik emes uıymdardyń áleýmettik-ekonomıkalyq, qoǵamdyq ómirdegi orny men bedeli kúsheıýi baıqalady. Búginde sany 800-ge jýyqtaǵan bul erikti uıymdardyń aralaspaıtyn salasy joq deýge bolady. «Azamattyq qoǵam ınstıtýttary kúshin biriktirý – áleýmettik-ekonomıkalyq reformany oıdaǵydaı júzege asyrýdyń basty faktory» atty taqyrypta ótken aımaqtyq IH forým belsendilikti odan saıyn kúsheıtý joldaryn talqylaýǵa arnaldy. Onda sóz alýshylar ÚEU-dar men memlekettik organdar arasyndaǵy qarym-qatynasty tereńdetý, ortaq maqsattaǵy is-sharalardy úılestirý, keıbir kedergilerdi birlesip sheshý máselelerin ortaǵa saldy.
Qalyptasqan úrdis boıynsha jyldyń úzdik qoǵamdyq uıymdary ataldy. Bul joly VICh dertine shaldyqqan jandardyń quqyn qorǵaýshy jáne kómek kórsetýshi «Kredo» ÚEU jeńimpaz dep tanyldy. Osyndaı izgilikti birneshe jyldan beri atqaryp, qaýipti syrqatty juqtyrǵandarǵa qamqorshy b
