Keshe Ekonomıka jáne bıýdjettik josparlaý mınıstri Erbolat Dosaev osyndaı bir tosyn jańalyqtyń shetin shyǵardy. Onyń aıtýynsha, jaqyn kúnderde alkogoldi jáne temeki ónimderine aksızderdiń baǵasy kúrt kóterilip ketkeli tur.
Keshe Ekonomıka jáne bıýdjettik josparlaý mınıstri Erbolat Dosaev osyndaı bir tosyn jańalyqtyń shetin shyǵardy. Onyń aıtýynsha, jaqyn kúnderde alkogoldi jáne temeki ónimderine aksızderdiń baǵasy kúrt kóterilip ketkeli tur.
«Búgingi tańǵa sıgarettiń aksızi onyń myń danasyna 1550 teńgeni quraıdy. Biz 2014 jyldan bastap bul mólsherdi 3 myń teńgege deıin ulǵaıtyp, ósimdi 100 paıyzǵa jýyq deńgeıge arttyramyz. Jáne bári munymen toqtalyp qalmaıdy. Jyl sanap birtindep kóteriletin aksız quny 2020 jylǵa qaraı temekiniń árbir myń danasyna 45 eýroǵa deıin jetedi», – dedi mınıstr.
Vedomstvonyń baspasóz qyzmeti sondaı-aq mınıstrdiń sózine silteme jasaı otyryp, alkogol ónimderiniń búgingi tańdaǵy baǵasy lıtrine 2,5 eýrony qurap otyrǵanyn málim etedi. Al 2014 jyldan bastap ol birden 5 eýroǵa kóterilse, 2016 jylǵa qaraı 8 eýroǵa jetedi.
«Alkogol men sıgaret aksızin ulǵaıtý Qazaqstan úshin qajettilik bolyp tabylady, – dep esepteıdi E.Dosaev. – Mundaǵy másele tek ekonomıkaǵa ǵana qatysty emes. Sebebi, bizdiń elimizde temeki men spırtti ishimdikterdiń baǵalary óte arzan. Dúnıejúzilik densaýlyq saqtaý uıymynyń málimeti boıynsha, Qazaqstan bir adamǵa shaqqandaǵy spırtti ishimdikti ishý kórsetkishi boıynsha álemdegi aldyńǵy otyz eldiń qataryna kiredi. Ol bizde 7-8 lıtrdi quraıdy».
«Men, árıne, baǵalarynyń kúrt artyp ketýine baılanysty temeki shegýshiler men spırtti ishimdik ishýshiler qatary birden azaıa qalady dep sanaıtyn qurǵaq qııaldyń adamy emespin, – dedi mınıstr budan ári. – Biraq, osydan keıin olardyń burynǵy tutynýshylary qataryna jańadan qosylatyndar sanynyń azaıyp sala beretinine senimdimin. О́ıtkeni, árbir adam endi ony bastar aldynda qorabynyń baǵasy 5-10 dollar turatyn temekini tartýǵa bolatynyn, ıakı bolmaıtynyn oı eleginen ótkizip alatyny anyq».
Qurysh NURYMBET.
