Kepildendirilgen áleýmettik paketter keste boıynsha «Magným» JShS saýda jelisiniń sýpermarketterinde beriletin bolady. Jalpy kepildendirilgen áleýmettik pakettermen 2,7 myńnan astam otbasyn, atap aıtqanda 4,6 myń balany qamtý josparlanǵan.
Áleýmettik paket alýshylar tiziminen ózińizdi http://www.magnum.kz/garantirovannaya-socialnaya-pomoshh saıtynda JSN arqyly tegin tekserýge bolady.
Kestede kepildendirilgen áleýmettik paketti qashan jáne qaıda alý keregi kórsetilgen. Kepildendirilgen áleýmettik paketterdi berý ýaqyty saǵat 9:00-den 18:00-ge deıin.
Aıta keteıik, qazirge deıin kepildendirilgen áleýmettik paket 1,5 myń otbasyna berilip, 2 myńnan astam bala qamtyldy.
Sondaı-aq Bizbirgemiz aksııasy aıasynda osy otbasylarǵa 50 bir rettik medısınalyq maska berilýde. Kepildi áleýmettik kómek alýshylar kórsetilgen qoldaý úshin alǵys bildirýde.
«Tótenshe jaǵdaı kezinde Úkimet azamattarǵa qoldaý kórsetýde. Jyl basynan beri memleketten ekinshi ret kepildi áleýmettik kómek aldym. Ol azyq-túlik, balalarǵa arnalǵan tamaq jáne turmystyq hımııany qamtıdy. Maǵan Nur Otan partııasynan medısınalyq maskalar jıyntyǵyn berdi. Budan basqa, biz 42 500 teńge áleýmettik tólem aldyq. Mundaı qıyn kúnderi bul halyq úshin úlken kómek. El basshylyǵyna alǵysymdy bildiremin», – dedi «Altyn alqa» ıegeri Sholpan Kalyngaraeva.
Esterińizge sala keteıik, Memleket basshysy Qazaqstan halqyna Joldaýynda AÁK taǵaıyndaý tetigin onyń ashyqtyǵyn, ádildigin jáne eńbekke degen ýájdemesin qamtamasyz etý maqsatynda túzetýdi tapsyrǵan bolatyn. Memlekettik kómektiń jańa sharalary 2020 jyldyń 1 qańtarynan bastap keshende júzege asyrylady jáne oǵan kóp balaly otbasylarǵa arnalǵan jańa járdemaqy, AÁK jáne az qamtylǵan otbasylardaǵy balalarǵa arnalǵan kepildendirilgen áleýmettik paket kiredi.
